Tiri bolsam, qazaqqa qyzmet etpeı qoımaımyn!

Álıhan Bókeıhan

Reseı ıadrolyq qarý qoldanýǵa daıyndalyp jatyr

22 mamyr 2024 407

Reseıdiń ońtústik áskerı okrýginde ıadrolyq qarýdy daıyndaý jáne qoldaný máselelerin praktıkalyq turǵyda pysyqtaýdy qamtıtyn jattyǵýlardyń birinshi kezeńi bastaldy. Jıynnyń strategıalyq sıpaty joq ekeni habarlandy. Bul týraly Reseı Federasıasy, Qorǵanys mınıstrliginiń baspasóz qyzmeti málimdedi, dep jazdy Alash.KZ ulttyq portaly. 

Oqý-jattyǵý barysynda atalǵan áskerı okrýgtiń áskerı qyzmetshileri "Eskendir" jedel-taktıkalyq zymyran kesheni úshin arnaıy oq-dárilerdi alýdyń oqý-jaýyngerlik mindetterin" ıgeredi, sondaı-aq ıadrolyq oq-dárilermen zymyran tasyǵyshtardy jaraqtandyrý boıynsha jattyǵýlar ótkizedi. Zymyran keshenderiniń qyzmetkerleri zymyran ushyrýǵa daıyndalý úshin pozısıalyq aýdandarǵa jasyryn usynýdy da pysyqtaýda.

Qorǵanys mınıstrligi ótkiziletin jattyǵýlardyń maqsaty – jeke quram men bólimderdiń tehnıkasynyń joǵary jaýyngerlik daıyndyǵyn saqtaý, keıbireýlerdiń arandatýshylyq málimdemeleri men qaýipterine jaýap retinde Reseı Federasıasynyń aýmaqtyq tutastyǵy men egemendigin qamtamasyz ekeni aıtylady.

Reseı sońǵy kezderi "ıadrolyq qarýdyń tóńiregine toptasqan" eldermen baılanysyn nyǵaıta bastady. Esterińizge sala keteıik,biz buǵan deıin de "birin-biri jaýǵa tastamaıtyn dostar" jaıly, Pýtınniń Soltústik Koreıaǵa saparlaıtyny týraly jazǵanbyz. 

2023 jyldyń qyrkúıeginde Soltústik Koreıanyń kóshbasshysy Kım Chen Yn Reseıge bardy. Pýtındi arnaıylap KHDR-ǵa shaqyrdy. Sodan keıin Peskov Prezıdenttiń shaqyrýdy "rızashylyqpen" qabyldaǵanyn habarlady. 2024 jyldyń qańtarynda ol Pýtınniń Soltústik Koreıaǵa sapary jaqyn arada bolýy múmkin dep málimdedi.

11 mamyr kúni Reseıdiń Belarýs elindegi ıadrolyq qarýdy jasyrǵan jeri áshkerelenip qaldy. 

NYT spýtnıktik sýretterge nazar sala otyryp, Reseıdiń ıadrolyq qarýy Belarýs aýmaǵynyń qaı bóliginde ornalasqanyn anyqtady.

Basylymnyń habarlaýynsha, ıadrolyq qarýy bar nysan Ýkraına shekarasynan soltústikke qaraı 32 shaqyrym jerde, ıaǵnı Osıpovıchı qalasynyń janyndaǵy áskerı qoımada ornalasqan.

Bul maqala týraly ne oılaısyz?