Qazaqstan Respýblıkasy Syrtqy ister mınıstrligi 3-7 qazan aralyǵynda Almatyda Qazaqstan-Reseı birlesken demarkasıalyq komısıasynyń 122-shi otyrysy ótkenin habarlady. Taraptar aýmaqtardy mejeleý boıynsha qorytyndy qujattardyń jobalaryn bekitýdi jalǵastyrýda.
«Taraptar Qazaqstan-Reseı memlekettik shekarasyn demarkasıalaý jónindegi qorytyndy qujattardyń jobasyn qaraýdy jáne bekitýdi jalǵastyrdy, 2023 jylǵa arnalǵan is júrgizý josparyn bekitti, sondaı-aq aldaǵy jylǵa arnalǵan dalalyq jumys josparyn talqylady. Komısıanyń kelesi otyrysy 2022 jyldyń qarashasynda Reseı Federasıasynyń aýmaǵynda ótedi» delingen baspasóz habarlamasynda.
Al 14 qyrkúıekte Syrtqy ister mınıstri Muhtar Tileýberdi shekarany naqtylaý úshin taǵy eki-úsh jyl qajet bolýy múmkin ekenin naqtylady.
— Reseıden basqa barlyq kórshi memlekettermen demarkasıa aıaqtaldy. Bizge taǵy eki-úsh jyl kerek shyǵar, – dedi SİM basshysy.
Aıtpaqshy, shekaranyń bólinýi týraly sońǵy resmı derekter sonaý 2020 jyly jarıalandy. Odan keıin Qazaqstannyń Reseımen memlekettik shekarasyn demarkasıalaý jumystary 89 paıyzǵa oryndalǵany habarlandy. Jalpy uzyndyǵy 7548 shaqyrymnyń 6696 shaqyrymy belgilengen.
