Qazaqstan quramasynyń múshesi Aıanat Jumaǵalı Perýde aýyr atletıkadan jastar arasynda ótip jatqan álem chempıonatynda úzdik kórsetkishke ıe boldy. Bul týraly 1bol.kz saıty habarlady.
Ol 76 kelide baq synap, barlyq syn boıynsha úzdik shyqty. Otandasymyz julqa kóterýde 97 kelini eńserse, serpe kóterýde 125 kelini baǵyndyrdy. Jalpy somasy 222 kelini tirkegen ol óz salmaǵynda álem chempıony atanyp otyr.
Perý astanasy Lıma qalasynda ótip jatqan dúnıejúziliki birinshilikte Nurdos Sabyr 89 kelide álem chempıony atandy. Sondaı-aq, 67 kelide Aqjol Qurmanbek kúmis júlde jeńip alǵan bolatyn.
Budan bólek, osy jarysta Anna Nurmuhamedovaǵa araǵa 12 jyl salyp, London Olımpıadasynynyń kúmis júldesi resmı túrde tabystaldy.
Lımadaǵa jastar dodasyna álem boıynsha 300-ge jýyq sportshy qatysyp jatyr.
