Tiri bolsam, qazaqqa qyzmet etpeı qoımaımyn!

Álıhan Bókeıhan

Qısalańdap bıleı berseń "Mádenıet salasynyń úzdigi" atanady ekensiń - JÝRNALIS

23 mamyr 2024 1209

Qoǵam belsendisi, jýrnalıs Sáýle Ábildahanqyzy "Mádenıet salasynyń úzdigi" atanǵan Búrkittiń áıeli Aıshanyń esh laıyq emes ekenin baıandady, dep habarlaıdy Alash.kz.

Ol bul týraly óz facebook paraqshasynda jazdy.

"Opymaı, bizde "taý-taý-taý" dep fonogrammen qazaqsha úsh sóz aıtyp, tık-tok, ınstagramda qısalańdap bıleı berseń "Mádenıet salasynyń úzdigi" atanady ekensiń-aý... ne daýysy joq... kúıeýine "podpevka, podtansovka" jasaǵannan basqa, bir áni bar ma ózi? Estipeppin...

Ózimiz 20 jastan tek teatr, kıno, ádebıet, mádenıet salasyn shamamyz jetkenshe zertteýge tyrystyq, júzdegen maqala jazdyq, ondaǵan, júzdegen baǵdarlama túsirdik, magıstratýrany oqydyq, bir akademıalyq teatrdyń tarıhyn túgendep magıstrlik dısertasıa jazdyq, ony yqshamdap kitap qyp shyǵardyq, sol akademteatrǵa jańa ǵımarat kerek dep jıyrma jyl qaqsap, oǵan qol jetkizdik...

Júrgen jerimizden tek "ývolıt!" degen buıryqtan basqa eshteńege qol jetkizbeı, qolymyzdy bir siltep kete berdik...

Bes tonna boıaý men bes metr kirpik japsyryp alyp, "kól-kól-kól" dep ándetip, ish maıymdy búlkildetip, tık-tokta bókse bıin bılep júre berýim kerek edi...

Aida Balayeva , mynaýyń Mádenıet salasyna úlken uıat boldy... Aıshaǵa qaraǵanda men on ese laıyqpyn ǵoı, maǵan berseń, bulaı uıatqa qalmas ediń... ataqqumarlyqtan nemese ishtarlyqtan aıtyp otyrǵan joqpyn, eldegi sender ornatqan ádiletsiz júıege kúıgendikten aıtyp otyrmyn... ataǵyń bolmasa, úıimdi jekeshelendirmeıtin topas zańdaryńa ashynǵandyqtan aıtyp otyrmyn...(( áıtpese, maǵan dese aspannan altyn orden jaýsa da, mıyǵymnan kúlip qoıyp, "qutty bolsyn! Jýmaısyńdar ma?..." dep otyra berer edim...", - dep jazdy jýrnalıs.

Bul maqala týraly ne oılaısyz?