Tiri bolsam, qazaqqa qyzmet etpeı qoımaımyn!

Álıhan Bókeıhan

"Qazaq halqyn qýantqym keldi": Abzal Ájiǵalıev Beıjiń Olımpıadasyn qorytyndylady

14 aqpan 2022 106
Short-trekten Qazaqstan komandasynyń kóshbasshysy Abzal Ájiǵalıev 500 metrge júgirýden Beıjiń Olımpıadasynda tórtinshi oryn aldy. Jarystan soń suhbat bergen sportshy fınalda bar kúshin salǵanyn aıtty, dep jazady Alash.kz portaly Olympic.kz resmı saıtyna silteme jasap.
«Olımpıadaǵa irikteý men úshin qıyn ótti. Sebebi, osynyń aldyndaǵy maýsymdy densaýlyǵyma baılanysty durys ótkize almaǵan edim. Meniń sporttaǵy eń úlken armanym – short-trekti damytý edi. Qazaq balalary qysqy sportta álsiz degen stereotıpti buzǵym keldi. Bizdiń de kónkı teýip, syrǵanaı alatynymyzdy kórsetkim keldi.

Jankúıerler jazǵy sport túrlerindegi atletterdi birden tanyp jatady. Al qysqy sportta qansha júlde alyp júrse de, short-trekshiler tasada qalyp qoıady. Basty maqsatym – jankúıeri osy oıdan aryltý boldy. Elimizdegi eń jas sport túrleriniń biri ekenine qaramastan, bizdiń short-trekshiler álem kýbogi kezeńderinde únemi júlde alyp júr. Álemde alǵashqy ondyqqa enemiz. Bul dástúr odan ári jalǵasaryna senemin.

Al búgin qazaq halqyn qýantqym keldi. Bar kúshimdi saldym. Fınalǵa deıin eki birdeı Olımpıada chempıony jarys jolynan shyǵyp qaldy. Osyndaı básekelestikpen aqtyq synǵa jetkenim qýantady. Ókinishke qaraı, medal buıyrmady»,  - dedi Abzal.
Bul maqala týraly ne oılaısyz?