Tiri bolsam, qazaqqa qyzmet etpeı qoımaımyn!

Álıhan Bókeıhan

Jırınovskıı ólmepti. Partıasy teriske shyǵaryp otyr

27 aqpan 2022 91
[ad_1]



Reseıdiń lıberal-demokratıalyq partıasy (LDPR) Vladımır Jırınovskııdiń ólgeni týraly aqparatqa senbeý jóninde óz múshelerine habar taratty. 75 jastaǵy Jırınovskıı 2 aqpanda koronavırýspen aýrýhanaǵa túsken. Birer kún buryn jaǵdaıy múshkil degen habar taraǵan, biraq partıasy teriske shyǵaryp otyr.

Partıa múshelerine taratylǵan habar týraly RIA "Novostı" agenttigine LDPR ortalyq apparaty jetekshisiniń orynbasary Sergeı Kargınov aıtqan. Onyń sózinshe, 13 aqpanǵa qaraǵan túni belgisiz adamdar Jırınovskıı óldi degen aqparat taratqan. Kargınovtyń sózinshe, LDPR Reseı İshki ister mınıstrligine jalǵan aqparat tórkinin tekserý jóninde suraý salǵan.

Jırınovskııdiń jaǵdaıy aýyr ekenin, jasandy tynys apparatyna qosylǵanyn buǵan deıin birneshe basylym habarlaǵan.

Jırınovskıı aýrýhanaǵa túsken soń bir aptadan keıin, 9 aqpanda ózi basqaratyn partıa onyń aýrýhanaǵa túskenin de moıyndamaǵan. 11 aqpanda LDPR fraksıasy jetekshisiniń orynbasary Vasılıı Vlasov Orys pravoslav shirkeýiniń patrıarhy Kırılden (Gýndáev) Jırınovskııdiń densaýlyǵy úshin duǵa jasaýdy suraǵan.

Jırınovskıı LDPR-dy 1989 jyldan basqaryp keledi. Ol kezde partıa Sovet odaǵynyń lıberal-demokratıalyq partıasy dep atalǵan. Reseı prezıdenti saılaýyna alty ret qatysqan, 2004 jyly ǵana syrt qalǵan, Memlekettik dýmanyń segiz shaqyrylymyna da saılanǵan.

Jırınovskıı ár jyldary túrli málimdemeleri arqyly Qazaqstannyń aýmaqtyq tutastyǵyna kúmán keltirip, Qazaqstandy Reseıge qosyp alý jóninde úndeý jasaǵan. Osyǵan baılanysty Qazaqstan ony persona non-grata dep jarıalap, Qazaqstanǵa kirýine tyıym salǵan. Alaıda Jırınovskıı odan keıin de Qazaqstanǵa birneshe ret kelgen.



[ad_2]

Derekkóz
Bul maqala týraly ne oılaısyz?