Jambyl oblysynyń prokýratýrasyna silteme jasap.
«2004 jyly Qordaı aýdany ákimdiginiń jáne Qordaı aýyldyq okrýgi ákiminiń aktileri boıynsha, B.N.Nazarbaevqa tıesili «Qarasaı BN-Taraz» JSHS-ǵa «Barys-2» saýda keshenine qyzmet kórsetý úshin aýdany 34,3017 ga ýchaske berildi.
Ýchaskeni berý kezinde onyń tártibi buzylǵan, atap aıtqanda, aýylsharýashylyǵy maqsatyndaǵy erekshe qorǵalýǵa jatatyn aýdany 22,25 ga sýarmaly egistik jerlerdiń bir bóligi bazarǵa qyzmet kórsetý úshin berilgen», - delingen habarlamada.
Osyǵan baılanysty aýdan prokýratýrasy aýdan jáne aýyldyq okrýg ákimdikteriniń aktilerin, satyp alý-satý sharttaryn jaramsyz dep taný jáne kúshin joıý týraly sotqa talap bergen.
Sot jer ýchaskelerin satyp alý-satý, jer ýchaskelerin óteýsiz berý týraly JSHS-nyń barlyq sharttaryn jaramsyz dep tanyp, kúshteri joıyldy.
Sot qaýlysy 28.12.2023 jyly zańdy kúshine endi, memlekettik aktilerdiń kúshi joıyldy.
