Pýtındi Qazaqstan prezıdenti Qasym-Jomart Toqaev kútip alǵan joq, ornyna premer-mınıstr Álıhan Smaıylovty jiberdi. Pýtınniń ushaqtan túsken sáti taspalanǵan vıdeoda Pýtın ózin kútip alýǵa shyqqan Smaıylovqa alystan qol kóterip, traptan túsken boıy toqtamaı, kólikke otyrady.
Smaıylov Pýtındi ǵana emes, Qyrǵyzstan prezıdenti Sadyr Japarov pen Ázirbaıjan prezıdenti Ilham Álıevti, Belarýs prezıdenti Aleksandr Lýkashenkony, Tájikstan prezıdenti Emomalı Rahmonovty, Iran prezıdenti Ibrahım Raısıdi, Ózbekstan prezıdenti Shavhat Mırzıeevterdi qarsy alǵan. Onyń barlyǵy Smaıylovpen qol alysyp, iltıpat bildirgen. Smaıylov tipti keıbir prezıdentterdi gúlmen qarsy alǵan.
Jalpy, mundaı resmı qarsy alýlarda bári aldyn ala kelisiledi desek, Pýtın gúlden de, qoldan da bas tartqan sıaqty. Onyń bul áreketin Toqaevtyń ózi kútip almaǵanyna kórsetken qyry dep baǵalap jatqandar bar.
Qasym-Jomart Toqaev keshe Túrkıa prezıdenti Rejep Taıyp Erdoǵan men Qatar ámiri sheıh Támım ben Hamad Ál Tánıdi ózi kútip aldy.
Osy jyldyń sáýir aıynda Qasym-Jomart Toqaevty Reseıge barǵan saparynda ony Vnýkovo-2 áýejaıynan syrtqy ister mınıstriniń orynbasary Aleksandr Pankın men mınıstrliktiń ákimshilik hattama departamentiniń bastyǵy Igor Bordashev kútip alǵan. Bul «qasaqana kóńil bólmeýshilik» retinde qoǵamda biraz talqyǵa túsken.
Materıaldy qoldanǵan jaǵdaıda, bastapqy 1 nemese 2-sóılemde malim.kz saıtyna gıpersilteme berýińizdi suraımyz. Avtorlyq quqyqty qurmettegenińizge alǵys aıtamyz.
