fılologıa ǵylymynyń kandıdaty:
– Elimizde Azıadaǵy ózara is-qımyl jáne senim sharalary jónindegi keńestiń VI samıti bastaldy. Oǵan Memleket basshysy Qasym-Jomart Toqaev tóraǵalyq etýde. Samıtte Prezıdent: «Búgin biz buryn-sońdy bolmaǵan geosaıası shıelenis pen álemdik ekonomıkadaǵy kúsheıe túsken daǵdarys jaǵdaıynda ómir súrip jatyrmyz. Bul qubylys qazirdiń ózinde «jahandyq dısfýnksıa» dep ataldy. AÓSSHK-tiń buǵan deıingi 2019 jyly ótken samıtinen beri álemdik qoǵamdastyq aýyr synaqtardy bastan ótkerdi. Onyń saldary jahandyq damýǵa áli de áser etip otyr. Meniń oıymsha, bizdiń aldymyzda turǵan erekshe mańyzdy mindet – týyndaǵan zor qaýip-qaterler jaǵdaıynda halyqaralyq qatynastardaǵy turaqtylyqqa qol jetkizý. Kópjaqty mehanızmderge tyń serpin berý jáne ashyq dıalogqa oralý asa mańyzdy» dedi.
Turaqtylyqqa qol jetkizý máselesin tekke aıtyp otyrǵan joq. Álemdik ekonomıkadaǵy shıenelister kúsheıgen saıyn daǵdarystyń ta artatyny belgili. Qazir azyq-túlik qymbattady, áleýmettik ahýal tómendedi dep, dabyl qaǵyp jatyrmyz. Halyqqa qajeti ne: beıbitshilik pen turaqtylyq. Osy qasıetti saqtaı alsaq, áleýmettik qıyndyqty da sheshýge múmkindik bolady.
Ótkende Astana Dinder sezi ótti. Rım Papasy Fransısk Qazaqstanǵa beıbitshilik elshisi retinde kelgenin jetkizdi. Óz sózinde Rım Papasy mynadaı ádemi oı aıtty: «Sizderde «Bereke basy – birlikte» degen mátel bar. Bul barlyq jerde, ásirese osy jerde mańyzdy uǵym ekeni sózsiz. Elde 150-ge jýyq etnıkalyq top pen seksennen astam til bar. Ártúrli tarıhy, mádenı jáne dinı dástúrleri bar bul halyqtar birlese, adam aıtsa nanǵysyz yntymaqtastyq ornatqan». Mundaǵy yntamaqtastyq termıni tekke aıtylyp otyrǵan joq. Qazaq qoǵamyn da biriktirip otyrǵan túıin sol.
Qoǵamda túrli kózqaras qalyptasýy múmkin. Birnárse ǵana aqıqat: birlik bar jerde tirlik bolady. Prezıdent osy maqsatta jaqsy dıplomatıalyq ustanymdy negiz etip otyr. Bul el tynyshtyǵy men qaýipsizdigi úshin de mańyzdy.
