Tiri bolsam, qazaqqa qyzmet etpeı qoımaımyn!

Álıhan Bókeıhan

Prezıdent Ákimshiligine jańa basshy taǵaıyndaldy

06 aqpan 2024 56


Memleket basshysynyń Jarlyǵymen Aıbek Arqabaıuly Dádebaev Qazaqstan Respýblıkasy Prezıdenti Ákimshiliginiń Basshysy bolyp taǵaıyndaldy.

Ol burynǵy atqarǵan laýazymynan bosatyldy.

Aıbek Arqabaıuly 1980 jyly 1 sáýirde Almaty qalasynda týǵan.

2001 jyly Abylaı han atyndaǵy Qazaq halyqaralyq qatynastar jáne álem tilderi ýnıversıtetin «halyqaralyq qujattanýshy» mamandyǵy boıynsha támamdaǵan; 2003 jyly Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń magıstratýrasyn aıaqtaǵan, magıstr-aımaqtanýshy.

2001-2002 jyldary — Qazaq halyqaralyq qatynastar jáne álem tilderi ýnıversıteti halyqaralyq týrızm menejmenti kafedrasynyń oqytýshysy;

2008-2011 jyldary — Qazaqstan Respýblıkasy Parlamenti Senaty Apparatynyń parlamentaralyq baılanystar jáne halyqaralyq yntymaqtastyq bóliminiń sarapshysy, Qazaqstan Respýblıkasy Parlamentiniń Senaty Tóraǵasy kómekshisiniń mindetin atqarýshy;

2011-2013 jyldary — Qazaqstan Respýblıkasynyń BUU-daǵy Turaqty Ókildiginiń úshinshi hatshysy, attashe, Jeneva;

2013-2019 jyldary — Qazaqstan Respýblıkasy Parlamenti Senaty Tóraǵasynyń Hatshylyǵy meńgerýshisiniń orynbasary, meńgerýshisi;

2019-2021 jyldary — Qazaqstan Respýblıkasy Prezıdenti Keńsesi bastyǵynyń orynbasary;

2021 jylǵy 28 mamyrdan bastap Qazaqstan Respýblıkasy Prezıdenti İs basqarýshysynyń orynbasary.

2022 jyldyń 11 qantarynan bastap Qazaqstan Respýblıkasy Prezıdentiniń İs basqarýshysy boldy.

 

Bul maqala týraly ne oılaısyz?