Tiri bolsam, qazaqqa qyzmet etpeı qoımaımyn!

Álıhan Bókeıhan

Bir qyz ketti, bir qyz ornynda qaldy

06 aqpan 2024 50
Úkimette aýys túıis bolyp jatyr. Mádenıet jáne aqparat mınıstri Aıda Balaeva qyzmetin saqtap qaldy. Al densaýlyq saqtaý mınıstri Ajar Ǵınaıatqyzy qyzmetinen ketti, - dep habarlaıdy alash.kz.
"Memleket basshysynyń Jarlyǵymen Aıda Ǵalymqyzy Balaeva Qazaqstan Respýblıkasynyń Mádenıet jáne aqparat mınıstri laýazymyna taǵaıyndaldy", - dep jazylǵan Aqorda habarlamasynda.

Ol bul qyzmetke 2023 jylǵy 2 qyrkúıekte de taǵaıyndalǵan edi. Al buǵan deıin Prezıdent ákimshiliginde qyzmet atqardy.

2020-2022 jyldary aqparat jáne qoǵamdyq damý mınıstri de boldy.

Densaýlyq saqtaý mınıstri laýazymyna Aqmaral Álnazarova taǵaıyndaldy.




Buǵan deıin bul qyzmette Ajar Ǵınıat bolǵan edi.




Aqmaral Álnazarova 1971 jyly 16 qańtarda Qyzylorda qalasynda dúnıege kelgen.




Almaty memlekettik medısına ınstıtýtyn "Pedıatr dáriger" mamandyǵy boıynsha jáne Qorqyt ata atyndaǵy Qyzylorda memlekettik ýnıversıtetin ekonomıs mamandyǵy boıynsha bitirgen.



Eńbek jolyn 1994 jyly Qyzylorda qalalyq balalar aýrýhanasynyń jedel járdem bólimshesiniń dárigeri bolyp bastady.




Qyzylorda oblystyq balalar aýrýhanasynyń bas dárigeri, Qyzylorda oblysy densaýlyq saqtaý basqarmasynyń basshysy, oblys ákiminiń orynbasary qyzmetterin atqardy.





Bul qyzmetke taǵaıyndalǵanǵa deıin ol Qyzylorda oblysynan senat depýtaty bolǵan.

Bul maqala týraly ne oılaısyz?