Ata-anasy kámeletke tolmaǵan balalaryn syrtqa shyǵarmaı, mektepke de jibermegen.
17 mamyrda reıdtik is-sharalar barysynda Pavlodar aýdanynyń prokýratýrasy turmysy nashar otbasyn anyqtady. Bul týraly Pavlodar oblystyq prokýratýranyń baspasóz qyzmeti málimdedi.
Ata-anasy úsh kún boıy úıdi ishinen jaýyp alyp, úsh kámeletke tolmaǵan balany úıden shyǵarmaǵan.
"Otbasy birneshe kún boıy ishimdik iship, balalardy úıde ustaǵany, mektepke jáne dalaǵa shyǵarmaǵany anyqtaldy. Qabyldanǵan sharalarmen Pavlodar aýdanynyń prokýratýrasy jergilikti atqarýshy organdarymen, bilim berý bólimimen, polısıa bólimimen, densaýlyq saqtaý bólimimen birlesip, balalardy bosatty. Olarǵa alǵashqy qajetti kómek kórsetildi", – dep jazylǵan habarlamada.
Aýdan prokýratýrasy ýákiletti organdarmen birlese otyryp profılaktıkalyq is-sharalar ótkizýdi jalǵastyrýda.