Tiri bolsam, qazaqqa qyzmet etpeı qoımaımyn!

Álıhan Bókeıhan

Soǵystan qashqan Reseı qarýly kúshteriniń qyzmetkeri Qazaqstanda ustaldy

18 mamyr 2024 752

Astana qalasynda reseılik áskerı tergeýshiler áskerden qashqan RF azamatyn, RF qarýly kúshteriniń burynǵy qyzmetkeri Kamıl Qasımovty ustaǵany habarlandy. Onyń aǵasy jáne qazaqstandyq quqyq qorǵaýshy Artýr Alhastovtyń málimdeýinshe,  rastaǵan ol 23 sáýir kúni jumys ornynda ustalǵan, dep habarlaıdy Alash.KZ ulttyq portaly Ulysmedia.kz portalyna siltep. 

Istories.media jarıalaǵan aqparatqa sáıkes Kamıl Kasımov Qaraǵandy oblysynda ornalasqan Reseı áskerı bólimshesiniń aýmaǵynda jóneltilgen. Ustalǵannan keıin Prıozersk qalasyndaǵy osy bólimshege alyp kelgen. Oǵan Reseı Federasıasy Qylmystyq kodeksiniń 338-baby boıynsha aıyp taǵyldy. Ol 15 jylǵa deıin bas bostandyǵynan aıyrylýy múmkin. 

Eske sala keteıik, Kasımov Ýkraınamen soǵysqa qatyspaý úshin 2023 jyldyń maýsym aıynda Qazaqstanǵa qashyp ketken. Quqyq qorǵaýshylar men Kasımovtyń otbasy ony Reseıge zańsyz áketip, sottaýy múmkin dep qorqady. Qazaqstan zańnamasy boıynsha áskerı qylmystar ekstradısıalanatyn baptarǵa jatpaıdy.  

Oraıy kelgende aıta keteıik, buǵan deıin, 2023 jyldyń jeltoqsanynda Reseı áskerı kúshteri Armenıada dezertır Dmıtrıı Setrakovty ustap alyp, ony Reseıge alyp ketti. Sáýirde reseılik qaýipsizdik kúshteri Armenıada dezertır Anatolıı Shetınındi urlap áketýge tyrysty, biraq el bıligi buǵan jol bermedi.

Bul maqala týraly ne oılaısyz?