Tiri bolsam, qazaqqa qyzmet etpeı qoımaımyn!

Álıhan Bókeıhan

Jasandy ıntellekt kesiri: Ýkraınalyq arý óziniń túrin qytaılyq jarnama vıdeolarynan kórgen

17 mamyr 2024 276

Ýkraınalyq Olga Loek óziniń bet-beınesin qytaılyq jarnamalardan kórip qalǵan, dep habarlaıdy Alash.kz. Stan.kz silteme jasap.

Olganyń túr-álpeti 35 akkaýntta qoldanylǵan. 

"Meniń mundaı sumdyq dúnıelerdi aıtyp jatqanymdy bireýlerdiń kórgenin qalamas edim. Reseı jarnamasy úshin ýkraın qyzdyń betin paıdalaný - bul jaı ǵana absýrd. Men óz túrimdi kórip, daýysymdy estidim. Biraq men úshin munyń bári óte jıirkenishti boldy, óıtkeni maǵan men eshqashan aıtpaǵan sózdi aıtqyzǵan", - dedi AQSH-taǵy Pensılvanıa ýnıversıtetinde oqıtyn 21 jastaǵy ýkraınalyq stýdent Olga Loek.

Onyń vıdeolaryn jarıalaǵan akkaýnttarda qyzǵa ártúrli esimder berilgen. Bireýinde Sofıa bolsa, kelesilerinde Natasha, Eıprıl, Steısı dep ataǵan. Bul keıipkerlerdiń barlyǵy Olga múlde bilmeıtin soltústik qytaı tilinde (nemese mandarın tilinde) sóıledi. Biraq olardyń bári orys-qytaı dostyǵyn madaqtaǵan nemese reseılik taýarlardy jarnamalaǵan.

"Men bul vıdeolardyń  90%-ǵa jýyǵy Qytaı men Reseı týraly, eki eldiń dostyǵy, olardyń senimdi odaqtas bolý qajettigi týraly aıtatynyn túsindim. Sondaı-aq olar azyq-túlik ónimderin de jarnamalady", - deıdi Olga.

Eń tanymal akkaýnttardyń biri "Natashadan ımporttalǵan ónim" dep ataldy, oǵan 300 myńnan astam paıdalanýshy jazylǵan.

Arasynda Natasha arnasynyń júrgizýshisi: "Reseı - álemdegi eń myqty memleket. Basqa elderdiń Reseıden teris aınalyp jatqany qynjyltady. Orys áıelderi Qytaıǵa kelgisi keledi" deıdi. Artynsha orys táttilerin jarnamalaı bastaıdy.

Olga úshin bul qorlaý boldy, óıtkeni onyń otbasy Ýkraınada turady. Jáne ol Reseı áskerleri basyp kirgen óz elin barlyq jaǵynan qoldaıdy.

Bul maqala týraly ne oılaısyz?