Tiri bolsam, qazaqqa qyzmet etpeı qoımaımyn!

Álıhan Bókeıhan

Órtten zardap shekkender kómeksiz qalmaıdy

05 qyrkúıek 2022 76



Zardap shekken azamattardyń bárine qajetti kómek beriledi. Olar qaýipsiz jerge kóshirildi. Meniń tapsyrmam boıynsha Úkimet tıisti máselelerdi sheshý jumystarymen aınalysyp jatyr. Kómek kórsetiletinine eshqandaı kúmán bolmaýǵa tıis,




— dedi Qasym-Jomart Toqaev.


Memleket basshysy órttiń shyǵý sebebin anyqtaý qajet ekenine nazar aýdardy. Onyń aıtýynsha, orman alqabyn qaıta qalpyna keltirý úshin keshendi sharalar ázirlep, aldaǵy ýaqytta osyndaı apatty jaǵdaılardy boldyrmaý jónindegi aldyn alý jumystaryn júrgizý kerek.




Prezıdent Tótenshe jaǵdaılar mınıstrligin vedomstvo qyzmetkerleriniń áleýmettik, sonyń ishinde turǵyn úıge jáne jataqhanaǵa qatysty máselelerin sheshý jáne qamtamasyz etý, sondaı-aq bul salany kásibı kadrlardyń daıyndyq deńgeıin arttyrýǵa qabiletti ınstıtýt retinde aıtarlyqtaı kúsheıtý qajet ekenin aıtty.


Memleket basshysy Tótenshe jaǵdaılar, İshki ister jáne Qorǵanys mınıstrlikteriniń órt sóndirý bólimsheleriniń jeke quramymen, sondaı-aq órtti aýyzdyqtaýǵa tartylǵan eriktilermen kezdesti.




Qasym-Jomart Toqaev tótenshe jaǵdaıdy joıýǵa atsalysqan barlyq azamattyń jasaǵan erligi úshin alǵys bildirip, olar nagradalar men syılyqtarǵa usynylatynyn aıtty.




Sondaı-aq materıaldyq úles jaǵdaıyn jaqsartý, turǵyn úımen qamtamasyz etý jáne kadrlar daıyndaý úshin jaǵdaı jasaý jóninde sharalar qabyldanatynyn jetkizdi.




Ekspress K jańalyqtaryn Aitu-daǵy arnamyzdan oqı alasyzdar.




Bul maqala týraly ne oılaısyz?