Tiri bolsam, qazaqqa qyzmet etpeı qoımaımyn!

Álıhan Bókeıhan

LRT qurylysy jalǵasatyn boldy

03 qyrkúıek 2022 58
Nur-Sultan qalasynyń ákimi Altaı Kólginov Parlamentte BAQ ókilderimen kezdeskende bas shaharda atqarylyp jatqan jumystardy sóz etti. Jıynǵa qatysyp qaıtqan alash.kz tilshisiniń aıtýynsha, jýrnalıster Nur-Sultan qalasynyń jol-kólik qozǵalysyna oń áser etýi tıis LRT qurylysy týraly ákimnen surady.

«LRT jumysy mine, qyrkúıek aıynda bastalady. Birinshi transhpen búdjetten 20 mlrd teńge bólindi. Biraq ol jetkiliksiz. Sebebi eger tutastaı alatyn bolsaq, qazirgi ýaqytta 1 mlrd dollarǵa jýyq qarajat jumsaldy. Onyń óz mindettemesi bar. Sebebi Qytaımen kelisimsharttarǵa qol qoıylǵan. Ol jerde memlekettiń óziniń mindeti bar. Biz kelisimshartty buzatyn bolsaq, onda arbıtrajda sottasyp, biz utylyp qalamyz» – dep jaýap qatty Altaı Kólginov.

Ákimniń málimeti boıynsha, Qytaı taraby óz mindettemesin oryndap otyr. Qarajat toqtatylǵannan keıin jumys toqtap qaldy.

«Qazir biz kóktemde, kúzde búdjetten 3,5 mlrd teńge kóleminde bankterge prosentterimen qaıtaryp otyrmyz. Báribir memlekettiń qaltasyna salmaq túsedi. Sondyqtan, búdjetten bólemiz dep sheshim qabyldadyq. Qurylysty aıaqtaý úshin qazirgi eseppen 570 mln dollar kerek» dedi ákim.
Bul maqala týraly ne oılaısyz?