Mysaly, "Sport City" TK turǵyndary ákimdikke jaqyn mańdaǵy aýmaqta TK qurylysyn toqtatý máseleleri boıynsha júgindi. Osylaısha, "Sport City" jáne "Ásem tas-2" turǵyn úı keshenderiniń arasyndaǵy jer teliminde bıyl TK ornyna skverdiń qurylysy bastalady. Sol aýdanda 2400 oryndyq mektep (2 aýysymda) salynýda. Qalanyń bas josparynda medısınalyq ortalyqty ornalastyrýǵa arnalǵan ýchaske bar ("Haıvıl Park-1"artynda ornalasqan).
"Haıvıl" TK turǵyndarynyń ótinishine qatysty - Baıtursynov kóshesi, 7 (Haıvıl TK) jer ýchaskesinde, buryn aıtylǵandaı, TK ornyna mektep salynatyn bolady. Budan basqa, Qoshqarbaev dańǵyly men Aqyrtas kóshesi mańynda "Haıvıl" TK qarama-qarsy oqýshy oryndarynyń tapshylyǵyn azaıtý maqsatynda taǵy bir jalpy bilim beretin mektep salynady.
"Zam-Zam" TK turǵyndarynyń ótinishteri boıynsha turǵyn úı kesheniniń janynda aǵymdaǵy jyly paıdalanýǵa berý josparlanyp otyrǵan 4 myń oqýshy ornyna (2 aýysymda) arnalǵan mektep salynýda. Sondaı-aq, A.Bekturov (burynǵy ataýy №49), Tóle bı (burynǵy ataýy №51), №69 kóshelerin, mektepke kireberis joldaryn salý jumystary júrgizilýde. Kelesi jyly osy aýdanda skverdiń qurylysyna kirisý josparlanýda.
Kúmisbekov kóshesi, 9 meken-jaıy boıynsha 21 qabatty turǵyn úı kesheni men parkıngtiń ornyna QOǴAMDYQ KEŃİSTİK PEN SKVER SALYNADY.
Demalý jáne serýendeý úshin QOǴAMDYQ KEŃİSTİK (skver) qurý boıynsha uqsas jospar Máńgilik El dańǵylynyń janyndaǵy Esil aýdanyndaǵy №9 emhana men №77 mektep-gımnazıa arasyndaǵy ýchaskede júzege asyrylady.
M.Gorkıı-Kosygın-CHelúskınsev-Ishımskaıa kósheleriniń kvadratynda TK ornyna SKVER salynady.
Elordanyń jelilik parkinde TK qurylysy toqtatyldy, saıabaqty abattandyrý jumystary jalǵasýda.
Qabanbaı batyr dańǵylyndaǵy Kereı-Jánibek handar jáne Orynbor kósheleriniń arasyndaǵy jer teliminde qala turǵyndarymen ótken kezdesýlerde aıtylǵandaı, MEDISINALYQ ORTALYQ salynady.
Atalǵan jobalar boıynsha egjeı-tegjeıli josparlaý jobasyna ózgerister engizildi.
