– Árbir aýdannyń ózine tán kúrdeli ári sheshilýi tıis óte mańyzdy máselesi bolady. Máselen, Baıqońyr aýdanynyń Kúltegin kóshesinde joǵary vóltty elektr berý jelisi (EBJ) ornalasqan. Bul problemanyń sheshilmeı kele jatqanyna 26 jyl boldy.
Eń aldymen, elektr berý jelisi janynda ornalasqan Kúltegin, Asan qaıǵy, Syrdarıa, Lermontov kóshesindegi úılerge basa mán beriledi. Osyǵan uqsas jumys aldaǵy ýaqytta irgeles aýmaqta da júrgiziledi. Alaıda bul bir kúndik nemese bir jyldyq jumys emes. Ortasha eseppen alǵanda joba 3 jyldan 5 jylǵa deıin sozylady, – dedi qala ákimi.
Onyń sózinshe, byltyr elektr berý jelisin shyǵarý boıynsha jobalyq-smetalyq qujattamany daıyndaýdy qolǵa aldy, qazir ol saraptamadan ótýde. Kúz aılarynda aýqymdy jobany iske asyrýǵa kirisedi.
– Birinshi kezekte, joldardyń jáne ınjenerlik jelilerdiń qurylysy josparlanǵan ýchaskelerdegi úıler, sol sıaqty elektr berý jelisi astyndaǵy úıler buzylady. Buǵan qosa buzylatyn úılerdiń qunyn belgileý, olardy satyp alý jáne buzý jumysy júrgiziledi. Asan qaıǵy kóshesinde qosymsha elektr qýaty qosylǵannan keıin Kúltegin kóshesindegi elektr jelisi demontajdalady. Bas josparda egjeı-tegjeıli josparlaý jobasyn ázirledik. Jeke sektordyń ornyna áleýmettik nysandar, turǵyn úı kesheni, qoǵamdyq keńistikter boı kóteredi, – dedi A.Kólginov.
Kezdesý barysynda belgili bolǵandaı, Sh.Ýálıhanov kóshesine paralel segiz jolaqty jol salynady. Sóıtip, bas shahardyń logıstıkalyq ınfraqurylymy jetildirilip, kólik qatynasy edáýir jaqsarta túsedi.
Bıyldan bastap Kúltegin, Asan qaıǵy, Syrdarıa jáne t.b. kóshelerdegi úılerdi kezeń-kezeńimen buzýdy bastaımyz.
