7 mamyr Otan qorǵaýshylar kúni jáne 9 mamyr Jeńis merekesiniń 77 jyldyǵyna oraılastyryp, Almatynyń Astana alańynda áskerı konsert ótkizdi. UQK shekara qyzmeti Qarasaı aýdany boıynsha shekara basqarmasynyń áskerı qyzmetkerleri ataýly sharaǵa belsendilikpen qatysty. Kópshilikke arnalǵan merekelik shara barysynda QR UQQK Shekara qyzmeti ansambliniń ánshisi Zámzágúl Kenjebaeva áskerı taqyrypta jazylǵan rýhty janıtyn ánderdi shyrqap, tyńdarmannyń kóńilin serpiltse, ardager ánshiler R.Shýkýrov, M.Hıtákov, Lýkonskıı jeńis merekesiniń kóńil-kúıin sezdiretin ánderdi oryndady.
Shekara akademıasynyń áskerı orkestri de tamasha týyndylardy tartý etip, keshtiń rýhyn kóterdi. «Rýhanı jańǵyrý» ulttyq baǵdarlamasyn júzege asyrý negizinde qolǵa alynǵan ıgilikti is jas urpaqty otanshyldyq rýhta tárbıeleýge serpin beretini sózsiz.
Otan qorǵaýshylar kúni men jeńis meıramy qarsańynda almatylyqtarǵa merekelik kóńil-kúı syılaǵan eldiń sheti, jeldiń ótindegi shekarashylar ónerde shekara bolmaıtynyn taǵy bir márte dáleldedi. Atalǵan sharany uıymdastyrýshy «Zastava tarlandary» respýblıkalyq qoǵamdyq birlestigi Almaty qalalyq fılıalynyń tóraǵasy, general-maıor Marat Májıtov: «Mereke qarsańynda ardagerlerge rýhty ánderdi tartý etý arqyly tarlandardyń kóńilin kóterip, jastarymyzdy otanshyldyqqa baýlyp, patrıottyq sezimderin oıatýǵa kúsh salý maqsatynda júzege asyryp otyrmyz», - deıdi.
Qýan Nurdan
