«Qazaqstan halqyna» qory Qazaqstanda tirkelmegen taǵy bir qymbat turatyn «Onasemnogen abeparvovek» (Zolgensma) preparatyn satyp aldy.
Preparatty óndirýshi Novartis jetkizgen.
Julyn bulshyqetiniń atrofıasymen týylǵan kishkentaı Fırdaýs Qaıratqa dáriniń tunbasy berildi. Qazir sábı anasymen birge Ana men bala ulttyq ǵylymı medısınalyq ortalyǵynda dárigerlerdiń baqylaýynda.
Buǵan deıin qyzdan bıomaterıal alynǵan, ol balaǵa jeke dári jasaý úshin Novartis kompanıasyna jiberilgen.
Eske salsaq, qor buǵan deıin SMA aýrýyna shaldyqqan balalarǵa arnalǵan 4 Zolgensma preparatyn satyp alǵan bolatyn.
QR Densaýlyq saqtaý mınıstrligi óndirýshi kompanıanyń hattamasyna sáıkes, onyń negizinde 2 jasqa deıingi balalarǵa Zolgensma ınfýzıasy júrgiziletin medısınalyq mekemeni anyqtady. Ol bul qyzmetti tegin medısınalyq kómektiń kepildik berilgen kóleminiń bir bóligi retinde kórsetedi.
Ana men bala medısınalyq ortalyǵy bazasynda «SMA emdeý» kópbeıindi toby qurylyp, qazaqstandyq mamandarǵa Zolgensmany qoldaný boıynsha 2 oqý kýrsy ótkizildi.
Derekkóz
