Prezıdent «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» zańǵa qol qoıdy, dep habarlaıdy alash.kz saıty DSM baspasóz qyzmetine silteme jasap.
DSM baspasóz qyzmetiniń málimetinshe, zań medısına qyzmetkerlerin qoldaý úshin qabyldanǵan. Túzetýler laıyqty eńbek jaǵdaılaryn qamtamasyz etýge jáne olardyń qoǵamdaǵy mańyzdy rólin tanýǵa baǵyttalǵan.
Zańǵa sáıkes,
- Medısına qyzmetkerleriniń turǵylyqty jeri boıynsha mektepke deıingi uıymdarda óz balalary úshin basym tártippen oryn alýǵa quqyǵy bar. Medısına qyzmetkerleri zańsyz aralasýdan jáne kásibı qyzmetke kedergi keltirýden qorǵalýǵa quqyly.
- Elimizdiń densaýlyq saqtaý salasyna qosqan úlesi úshin kórnekti medısına qyzmetkerleri úshin alǵash ret «Qazaqstannyń eńbek sińirgen dárigeri» qurmetti ataǵy engizildi.
- Medısına qyzmetkerleri artyq eseptilik pen aqparat berýden bosatylady.
- Zań kem degende 5 jyl merzimge aýyldyq jerge jumysqa kelgen medısına qyzmetkerleri, asa tapshy mamandyqtar úshin eń tómengi jalaqynyń 100 eselengen mólsherinde birjolǵy tólemderdi kózdeıdi.
- Zań shegilmeıtin temeki buıymdaryn, veıpterdi, olarǵa arnalǵan hosh ıister men suıyqtyqtardy satýǵa, taratýǵa jáne jarnamalaýǵa tyıym salady. Bul – halyqtyń arasynda jaman ádetterdiń taralýyna qarsy kúrestegi mańyzdy qadam.
