Tiri bolsam, qazaqqa qyzmet etpeı qoımaımyn!

Álıhan Bókeıhan

"Naqty sany joq". Qazaqstanda qansha bloger bar, olar qansha salyq tóleıdi? Mınıstrlik jaýap berdi

19 sáýir 2024 370

Qazaqstanda naýryz aıynan bastap blogerler men jarnamaǵa qatysty zań qabyldandy. Bul týraly alash.kz saıty Massaget.kz saıtyna siltee jasap, elimizde qansha ınflúenser baryn, olardyń qanshasy salyq tóleıtinin anyqtap kórdi. 

Portaldyq jazýynsha, "Ómir kórkem" baǵdarlamasynda blogerler sany resmı emes derekterge súıenip aıtyldy. Baǵdarlama málimetinshe, elimizde 556 myńnan asa bloger bar eken. Onyń 483 myń blogerdiń 10 myńǵa deıin, 63 myń blogerdiń 50 myńǵa deıin, 10 myń blogerdiń 500 myńǵa deıin, 400 blogerdiń 1 mıllıonǵa deıin, al 230 blogerdiń 1 mıllıonnan asa oqyrmany bar kórinedi.

Mádenıet jáne aqparat mınıstrligi blogerlerdiń naqty sany týraly ne aıtady? 

"Qazir Qazaqstanda jumys isteıtin ınflúenserlerdiń naqty sany joq. "Onlaın-platformalar jáne onlaın-jarnama týraly" zańǵa sáıkes ınflúenser (bloger - esk.) - onlaın-platformada tulǵalardyń beımálim tobyna arnalǵan aqparatty kásipkerlik qyzmet maqsatynda jarıalaıtyn onlaın-platformany paıdalanýshy. Olardyń sanyn dálirek anyqtaý úshin onlaın keńistiktiń taldaýy jasalyp jatyr", - delingen jaýapta. 

Sondaı-aq, mınıstrlik blogerler sany týraly keltirilgen baǵdarlama derekterin rastaı almaıtynyn aıtypty, sebebi zań kontekstinde ınflúenserdiń qansha oqyrmany bary mańyzdy emes.

Qansha bloger salyq tóleıdi?

Buǵan deıin premer-mınıstrdiń orynbasary - qarjy mınıstri Erulan Jamaýbaev bul suraqqa jaýap bergen edi. 

"Qazir 400-den asa bloger tirkelgen. 2023 jyly olar 200 mıllıon teńgeden asa salyq tólegen. Eger olardyń qyzmeti bızneske qatysty bolsa, árıne, salyq tóleýi kerek. Bul úshin arnaıy salyq rejımi bar. Júkteme 1 paıyzdan 4 paıyzǵa deıin", - dedi Jamaýbaev.

Zań ne týraly jáne onyń maqsaty qandaı?

Jarnamalarǵa qatysty qabyldanǵan Zańnyń negizgi maqsaty - Qazaqstan Respýblıkasynyń Konstıtýsıasynda bekitilgen azamattardyń quqyqtary men bostandyqtaryn qorǵaý. 

Zańnyń mańyzdy aspektisi - destrýktıv aqparatqa baılanysty táýekelderdi azaıtý úshin onlaın ortadaǵy kontentti muqıat moderasıalaý. 

Bul maqala týraly ne oılaısyz?