"Almaty Sý" bas dırektorynyń orynbasary jáne Qyzylorda oblysynyń kásipkerlik basqarmasynyń basshysy ustaldy, - dep habarlaıdy alash.kz saıty.
Sybaılas jemqorlyqqa qarsy qyzmet bızneske kedergilerdi joıýǵa erekshe nazar aýdaryp otyr.
Sondaı-aq, kásipkerlerdiń qyzmetine, onyń ishinde qylmystyq-quqyqtyq sharalardy qoldana otyryp, zańsyz aralasýdyń jolyn kesý jumysy agenttiktiń erekshe baqylaýynda.
Almaty qalasy boıynsha departament osy jumys sheńberinde aýyr jemqorlyq qylmys jasaýda "Almaty Sý" SHJQ MKK bas dırektorynyń orynbasary áshkerelendi.
Ol jergilikti kásipkerden oryndalǵan jumystardyń aktilerine qol qoıǵany jáne jasalǵan memlekettik satyp alý sharttary boıynsha aqshalaı qarajat tólegeni úshin 345 mıllıon teńge kólemindegi buryn kelisilgen somadan 75 mıllıon teńge alǵan.
Qyzylorda oblysy boıynsha Sybaılas jemqorlyqqa qarsy qyzmet oblystyq kásipkerlik jáne ónerkásip basqarmasynyń basshysyn jalpy qamqorlyǵy men kelisimshartty uzartýǵa, jer qoınaýyn óndirý kólemin ulǵaıtý ruqsatyna qol qoıǵany úshin aıtarlyqtaı mólsherde para aldy degen kúdik boıynsha ustady.
Kúdiktilerge qatysty sottyń sanksıasymen "qamaýda ustaý" túrindegi bultartpaý sharasy qoldanyldy.
Bul ister boıynsha tergeý jalǵasyp jatyr.
