Eks-sheneýnik 2023 jyly 20 maýsymda asa iri kólemde para aldy degen kúdikpen bas bostandyǵynan aıyryldy. Keıin onyń advokaty Mustahım Tóleevke de alaıaqtyq jasady degen aıyp taǵyldy.
Sonymen qatar, Sybaılas jemqorlyqqa qarsy is-qımyl agenttigi Muhamedıulynyń jubaıy Ǵalıa Ysqaqova para berýge oqtalǵanyn málimdedi.
Antıkordyń habarlaýynsha, Tóleev eks-sheneýniktiń jazasyn jeńildetý jáne qamaýdan bosatý úshin onyń áıelinen 460 myń dollar kóleminde para alyp, ony sottyń laýazymdy qyzmetkerlerine usynbaq bolǵan. Tergeý barysynda atalmysh somanyń 255 myń dollary tárkilendi.
Keıin Arystanbek Muhamedıulyna qatysty taǵy bir sot otyrysy ótti.
Osyǵan baılanysty elordada Arystanbek Muhamedıuly, Oljas Haırýllaev, Abaı Satybaldın, Leonıd Kochetov, Almas Nurazhan, Azamat Kóshenov, Aıym Sádýaqasova jáne Gúlzat Jýaspaevaǵa qatysty negizgi sot prosesi jalǵasýda. Tergeýde eki másele qarastyrylýda. Biri – “Dıplomat” qonaqúıine jasalǵan reıd, ekinshisi – “Altyn adamnyń sherýi” kórmesin ótkizýge baılanysty tergeý. Aıyptaýshy tarap kórmege qatysty jańa jaǵdaılardyń anyqtalǵanyn aıtty. Alaıda aıyptalýshylar kinásin moıyndaýdan bas tartyp otyr.
Tergeýshilerdiń aıtýynsha, burynǵy qojaıyn 2019 jyly Muhamedıulynan kómek suraǵan. Osy tusta Muhamedıuly jábirlenýshige 2,5 mıllıard teńge bólip, kásiptiń 71 paıyzyn senimdi basqarýshyǵa berýdi talap etken. Sodan soń eks-sheneýnik qonaqúıdi túgel baqylaýǵa alýdy uıǵarǵan.
2023 jyldyń 20 maýsymynda “Altyn adamnyń álem mýzeılerine sherýi” halyqaralyq kórmesiniń jobasyn júzege asyrý kezinde qarjy jymqyrǵany úshin Arystanbek Muhamedıuly ómir boıyna memlekettik qyzmette eńbek etý quqyǵynan aıyrylyp, 8 jylǵa qamaýǵa alyndy. Sondaı-aq memlekettik nagradalarynan da aıyryldy. Al onyń orynbasary Almas Nurazhan, “Eksponat” JSHS dırektory Azamat Kóshenov jáne osy kompanıanyń esepshisi Aıym Sádýaqasova 7 jylǵa bas bostandyǵynan aıyryldy. Sot Mádenıet mınıstrliginiń azamattyq talap aryzyn ishinara qanaǵattandyryp, 43 mıllıon teńgeni birlesip óndirýdi mindettedi.
2023 jyldyń 5 shildesinde Muhamedıulynyń advokaty Mustahım Tóleev eki aıǵa qamaýǵa alyndy.
Ol burynǵy mádenıet mınıstriniń isi boıynsha para aldy degen kúdikke ilindi. Sheneýniktiń áıeli Ǵalıa Ysqaqova da tergeldi. Antıkor burynǵy Mádenıet mınıstriniń «Kóshpendi» fılmi úshin bekinistiń satylýyna qatystylyǵyn tekserip jatyr.
2024 jyldyń qańtarynda qylmystyq is sotqa tústi.
Arystanbek Muhamedıuly qylmystyq kodekstiń 24-baby 3-bóligi (qylmysqa oqtalý) – 367-baby 4-bóligi (para berý) boıynsha kúdikke ilingen. Áıeli Ǵalıa Ysqaqova 368-baptyń 1-bóligi (paraqorlyqqa deldal bolý), Mustaqym Tóleev 190-baptyń 4-bóligi 2-tarmaǵy (alaıaqtyq) boıynsha sotqa tartylǵan. Sot otyrysynda advokat qylmystyq-prosestik kodekstiń talaptary buzylǵanyn alǵa tartyp, isti prokýratýraǵa qaıtarýdy surady. Al Ǵalıa Ysqaqovaǵa qatysty “úıqamaqta ustaý” túrindegi bultartpaý sharasyn “elden shyqpaý túrindegi qolhatqa” aýystyrýdy surady.
Eske salaıyq, eks-sheneýnik Arystanbek Muhamedıulyna qatysty 2023 jyldan beri birneshe qylmystyq is sotta qaralyp jatyr. Ulttyq mýzeıge qatysty is boıynsha eks-mınıstr 8 jylǵa sottaldy.
