Tiri bolsam, qazaqqa qyzmet etpeı qoımaımyn!

Álıhan Bókeıhan

"Afrıka elderine balalardy bergen joqpyz". Kim ótirik aıtty: Smadıarov pa, Qydyráli ma?

22 qańtar 2024 33
Senator Darhan Qydyráli buǵan deıin úkimet basshysyna joldaǵan saýalynda "1999 jylǵa deıin elimizden qansha jetim balanyń shetelge ketkeni týraly múldem málimet joq" degen bolatyn. Sanator saýalynda Ońtústik Afrıka elderine ketken balalardyń taǵdyryna alańdaıtynyn jetkizgen.

Al onyń bul saýalyna syrtqy ister mınıstrliginiń resmı ókili Aıbek Smadıarov:

"Árıne, keıbir kezde bir mekenjaıdan basqa mekenjaıǵa kóship ketip, aqparat bolmaı qalýy múmkin. Sonymen qatar, “qazaq balalaryn biraz ekzotıkalyq elderge alyp ketti” degen de aqparatty oqydym. Ol ras emes. Óıtkeni bizde kezinde toqsanynshy jyldary “balalardy tek Batys elderiniń ókilderine beretin” talap bolǵan. Batys elderiniń azamattary sol elderde dıplomat bolyp jumys isteýi múmkin. Solar asyrap alǵan. Ondaı elderge (Afrıka elderine) biz balalardy bermeımiz. Qazirgi tańda 18 jasqa deıingi 1993 bala konsýldyq esepte tur – deıdi.

“Senator Darhan Qydyráli júzden asa bala Afrıka elderine asyrap ketti degen.

Smadıarov: “Ol aqparatty qaıdan alǵanyn bilmeımin. Bizdegi aqparatqa sáıkes, biz Afrıka elderine balalardy bergen joqpyz. Ol balalarmen baılanys úzildi degen aqparat shyndyqqa janaspaıdy” dep jaýap berdi.
Bul maqala týraly ne oılaısyz?