Tiri bolsam, qazaqqa qyzmet etpeı qoımaımyn!

Álıhan Bókeıhan

Kóliktiń naryqtyq baǵasyna 6 kúnde 600 myń teńge qosyldy

04 naýryz 2022 76


2 jyl burynǵy baǵamen salystyrǵanda avtosalondardaǵy jańa kólikter 5-6 mılllıon teńgege qymbattasa, eski kólikter quny 2 ese ósken.








Dollardyń kúnnen-kúnge qymbattaýy Qazaqstandaǵy kólik baǵasyna da keri áserin tıgizip jatyr. Aınaldyrǵan alty kúnde jańa kólikterge 500-600 myń teńge qosylǵan. Júrilgen mashınalardyń da quny máz emes. Baǵasy 400-500 myń teńgege sharyqtap shyǵa keldi, dep habarlady 31 arnanyń Informbúro aqparattyq baǵdarlamasy.



Sarapshylar osydan 2 jyl burynǵy naryqtyń qazir kúrt qubylǵanyn aıtyp otyr. Máselen, avtosalondardaǵy jańa kólikterdiń baǵasy búginde 5-6 mılllıon teńgege qymbattasa, eski avtomobılder 2 ese ósken.

Kólik satýshy menejerler jańa mashınalardyń baǵasynyń bulaı kúrt kóterilýine, avtoóndirýshilerdiń baǵany qazirgi naryqqa qaraı kóterýi sebep ekenin aıtyp otyr. Oǵan qosa, dollar qunynyń artýy da baǵaǵa keri áserin tıgizgen.
"Bizge avtokólikter syrttan – Reseı, Japonıa elderinen keledi. Al bul memleketterde jyl basynda kólik baǵasy kóterildi. Oǵan qosa AQSH valútasynyń kýrsy qazir turaqsyz bolyp tur. Biz kólikti dollarǵa satyp alatyndyqtan, Qazaqstanda da baǵa ósip jatyr", – deıdi avtosalonnyń aǵa menejeri Sábıt Egembaev.

Kólik qunynyń qymbattaýy sebepti satyp alýshylardyń da qatary sıreı bastaǵan.
"İshki naryqtaǵy kólik baǵasynyń qymbattaýynyń birinshi sebebi shetelden keletin qosalqy bólshekterdiń qymbattaýy bolsa, ekinshiden, jańa kólikterdiń baǵasynyń ósýinen ekinshi naryqta da baǵa artyp jatyr. Mysaly, 12-13 mıllıon teńge turatyn mashınalardyń baǵasy qazir 15 mıllıon teńgege jetti", – deıdi avtosarapshy Hýrshıd Raımov.



Bul maqala týraly ne oılaısyz?