Almatynyń qaı aýmaǵy seısmıkalyq qaýipti ekenin kórsetetin tektonıkalyq buzylystar týraly karta paıda boldy.
Almaly jáne Áýezov aýdandary toǵyz baldyq seısmıkalyq aımaqqa kiredi. Qalanyń qalǵan alty aýdany 9-10 baldyq aımaqtarǵa jatady. Muny seısmologıa ınstıtýty málimdedi.
Almaty mańynda 27 tektonıkalyq qaýipti aımaq bar. Raıymbek dańǵylynyń soltústik jaǵy, Dostyq dańǵylynyń shyǵys jaǵy, Kóktóbeniń etegi jer silkinisine eń qaýipti aımaqtarǵa jatady. Biraq bul aýmaq baıaǵyda uzaq ýaqyt boıy salynǵan. Sondaı-aq Kazachka, Malaıa Almatınka, Vesnovka jáne Úlken Almaty ózenderiniń arnalarynda qaýip kóp.
Seısmıkalyq kartada Tóle bı, Qarasaı batyr, Buqar jyraý, Shyǵys aınalma kósheleriniń boıynda, ishinara Rysqulov, Ál-Farabı kósheleriniń boıynda eni 300-den 580 metrge deıingi tektonıkalyq jaryq bar ekeni kórsetilgen. Nysandardy salý kezinde barlyq normalar saqtalsa, buzylý yqtımaldyǵy tómen, deıdi mamandar.
Eske sala keteıik, buǵan deıin 26 qańtarda Almaty ýaqyty boıynsha saǵat 02:01:28-de tótenshe jaǵdaılar mınıstrliginiń "NNSSN" jáne "I" JSHS seısmıkalyq stansıalar jelisi jer silkinisin tirkedi. Jer silkinisiniń oshaǵy Qytaıdaǵy Almaty qalasynan ońtústik-shyǵysqa qaraı 262 shaqyrym jerde. Magnıtýdasy MPV – 5,7. Almaty qalasy, Talǵar qalasynda 2 balǵa jetken. 23 qańtarda Almatyda jer silkinisi boldy. Astana ýaqytymen 00 saǵat 09 mın 02 sekýndta almatylyqtar qatty jer silkinisin sezdi. Tótenshe jaǵdaılar departamentiniń málimetinshe jer asty dúmpýiniń epısentri Almatynyń ońtústik-shyǵysynda, 264 shaqyrym jerde tirkeldi. Magnıtýdasy 6,7 bal. Budan soń turǵyndar qalada taǵy da birneshe jer silkinisi sezilgenin habarlady. Al TJD deregine sáıkes aldaǵy ýaqytta qýatty jer silkinisi bolmaıdy, sondyqtan dúrligýdiń qajeti joq.
