Tiri bolsam, qazaqqa qyzmet etpeı qoımaımyn!

Álıhan Bókeıhan

Etnıkalyq qazaqtarǵa qandas mártebesi jaıdan-jaı berilmeıdi - Asqarbek Ertaev

26 qańtar 2024 62
Kóshi-qon komıtetiniń tóraǵasy Asqarbek Ertaev etnıkalyq qazaqtarǵa qandas mártebesi jaıdan-jaı berilmeıtinin, onyń óz tártibi baryn, kerek bolǵan jaǵdaıda genomdyq saraptama taǵaıyndalatynyn aıtty.

Tóraǵanyń aıtýynsha, qandas mártebesi berilmes buryn jergilikti atqarýshy organnyń janynan komısıa qurylady. Onyń quramyna jumyspen qamtýdy úılestirý, bilim berý, ishki saıasat jáne ishki ister organdary men Ulttyq qaýipsizdik komıteti departamentiniń ókilderi, túrli profesorlar men sarapshylar kiredi.
Adam óz ultyn rastaı almaǵan jaǵdaıda osy komısıa onyń ótinishin qarap, qandas mártebesin berý-bermeý máselesin qarastyrady. Biz ázirlegen erejede munyń bári qarastyrylǵan. Onda komısıaǵa qandaı fýnksıalar berilgeni, suhbattasýdy qalaı júrgizý kerektigi, óz ultyn rastaı almaıtyn adamǵa naqty qandaı suraqtar qoıý kerektigi jazylǵan.

Sondaı-aq komısıa múshelerinde qandaı da bir kúmán týdyratyn jaǵdaı bolsa, genomdyq saraptama júrgizý qarastyrylǵan. Bizdiń erejege sáıkes, (qandas mártebesin alǵysy keletin, – avtor) adamdy saraptamaǵa jiberemiz. Onda onyń qazaq ekeni anyqtalady», - dedi Asqarbek Ertaev OKQ-da ótken baspasóz máslıhatynda.

Buǵan deıin komıtet tóraǵasy 20 aýqatty etnıkalyq qazaqqa «Ata joly» kartasy berilgenin aıtqan edi.
Bul maqala týraly ne oılaısyz?