Atap aıtqanda, prokýrorlyq qadaǵalaý sharalary boıynsha aǵymdaǵy jyly Qaraqıa aýdanyndaǵy, Kaspıı teńiziniń jaǵalaýynda ornalasqan quny 1,1 mlrd. teńge, aýdany 696,8 ga quraıtyn 3 ýchaskeler ıgerilmegeni úshin memleketke qaıtaryldy.
Odan bólek, taldaý nátıjesimen Aqtaý qalasynyń aýmaǵynda memlekettik menshiktegi jer ýchaskelerin zańsyz paıdalanýdyń 61 deregi anyqtaldy.
Odan bólek, oblys boıynsha 57 SHQ-men 44 850 ga quraıtyn aýyl sharýashylyǵy maqsatyndaǵy jerlerdi utymsyz paıdalaný faktileri anyqtaldy.
Óz kezeginde, aýyl sharýashylyǵy janýarlarynyń sany aıylymdardyń jalpy alańyna shekti ruqsat etilgen júkteme normasyna (20% - ǵa az) sáıkes kelmeı, jer ýchaskeleri paıdalanylmaǵan.
Osyǵan oraı, kinálilerdi ákimshilik jaýaptylyqqa tartý jáne jer ýchaskelerin memleket menshigine qaıtarý maqsatynda oblys prokýratýrasymen prokýrorlyq qadaǵalaý aktisi engizildi.
