Alǵashqy jarys kúninde grek-rım kúresiniń sheberleri kilemge shyǵady. El chempıonatynyń júldesine talasatyn balýandar arasynda ulttyq qurama úzdikteri de bar.
Atap aıtqanda, Ishar Qurbaev, Aıdos Sultanǵalı, Sultan Ásetuly, Almat Kebispaev, Meıirjan Shermahanbet, Demeý Jadyraev, Azat Sadyqov, Maqsat Erejepov, Álimhan Syzdyqov syndy álemdik jarystardyń jeńimpazdary men júldegerleri synǵa túsedi.
Chempıonat qorytyndysy boıynsha sáýir aıynda Qyrǵyzstanda ótetin Olımpıadaǵa irikteý týrnırine qatysatyn sportshylar anyqtalady.
1-2 aqpan kúnderi grek-rım kúresiniń sheberleri kilemge shyǵady. Olar 1 aqpanda 55, 63, 72, 82, 97 keli, erteń 60, 67, 77, 87, 130 keli salmaq dárejesinde kúresedi.
3 aqpanda áıelder kúresi bolady. Áıelder 50, 53, 55, 57, 59, 62, 65, 68, 72, 76 kelide kúsh synasady.
4 aqpanda erkin kúres sheberleri 57, 65, 74, 86, 92 keli salmaqta beldesedi. Al chempıonattyń sońǵy kúni, ıaǵnı 5 aqpanda kilemge taǵy da erkin kúres balýandary shyǵyp, 61, 70, 79, 97, 125 kelide shyn myqtyny anyqtaıdy.