Tiri bolsam, qazaqqa qyzmet etpeı qoımaımyn!

Álıhan Bókeıhan

«Parıj olımpıadasyna lısenzıa joqtyń qasy» – Ardaq Nazarov

01 aqpan 2024 76
Májilis depýtaty Ardaq Nazarov sport medısınasyna mamandardy daıarlaý máselesin synǵa aldy, dep jazdy Alash.kz.
«Sport medısınasy bizde qalaı damyp jatyr? Mamandary qaıda jáne olardyń deńgeıleri qandaı? 2008 jyly Beıjińde Olımpıada ótti. Oǵan Qanat Islam degen batyrymyz qatysty. Ol sonda «bizdiń ishetin sýymyzǵa deıin dárýmenderden boldy» deıdi. Qytaı 2008 jyly Beıjiń olımpıadasyn ótkizý úshin 2000 jyly ózderiniń mamandaryn Amerıkaǵa jiberip, sport medısınasyna oqytty. Olar 5-6 jyl buryn iske kiristi. Qytaıdyń olımpıadadaǵy nátıjesin bilemiz. Parıj olımpıadasyna sanaýly aılar qaldy. Lısenzıamyz joqtyń qasy. Óte múshkil jaǵdaıda. Keshegi Azıada oıyndary anandaı boldy. Qazir sport medısınasyna qajetti mamandardy Amerıkaǵa jiberip oqytyp alsa, jaqsy nátıje bolar edi», - dedi Nazarov.

Depýtat máseleni damytyp qolǵa alý kerek ekenin aıtyp, AQSH-ta bir sportshynyń qasynda 10 maman júretinin tilge tıek etti.  Depýtattyń suraǵyna Týrızm jáne sport vıse-mınıstri Serik Jarasbaev bylaı jaýap berdi.
«Qazir bizde sport medısına mamandaryn daıarlaý boıynsha tizimge engizildi. Asfendıarov pen Astana medısınalyq ýnıversıtetinde ondaı mamandardy oqytamyz. Qazirgi ýaqytta respýblıkada bir ǵana medısına ortalyǵy bar. Zań aıasynda oǵan ulttyq statýsyn bergeli jatyrmyz. Shetelde olardyń biliktiligin arttyrý boıynsha usynysyńyzdy qarastyramyz», - dedi Jarasbaev.
Bul maqala týraly ne oılaısyz?