Reseı prezıdenti Vladımır Pýtın Ýkraınadaǵy soǵys bastalǵan eki jyldan beri alǵash ret batystyq BAQ-qa suhbat berdi.
Pýtınnen suhbat alǵan amerıkalyq jýrnalıs Taker Karlson 6 aqpan kúni suhbattyń anonsyn jarıalady. Karlsonnyń anonsy 9 saǵatta 50 mıllıon qaralym jınaǵan.
Al, tvıtter áleýmettik jelisiniń ıesi Ilon Mask amerıkalyq jýrnalıs Taker Karlsonǵa Reseı prezıdentinen alǵan suhbattyń vıdeosyn buǵattamaýǵa ýáde berdi. Karlson bul týraly suhbatty jarıalaǵan beınede aıtty.
Jýrnalısiń saparyn Kreml mańyndaǵy reseılik BAQ pen blogerler belsendi túrde jarıalap jatyr. Karlsonnyń aıtýynsha, ol jol aqysyn ózi tólegen.
«Biz Vladımır Pýtındi jaqsy kórgenimiz úshin emes, Amerıka Qurama Shtattaryn jaqsy kórgenimiz úshin osyndamyz», - dedi jýrnalıs.
Ol Pýtınnen suhbatty Ýkraınadaǵy soǵystyń barlyq jaǵyn kórsetý nıetimen alǵanyn aıtty. Sondaı-aq Karlson Ýkraına prezıdenti Vladımır Zelenskıımen suhbat alý týraly ótinish bergenin málimdedi.
Aıta keteıik, Karlson Fox arnasynyń burynǵy júrgizýshisi. Ol aqpan aıynyń basynda Pýtınmen sóılesý úshin Máskeýge barǵan.
Onyń suhbaty Reseıdiń Ýkraınaǵa jappaı basyp kirýinen keıingi batystyq jýrnalıs pen Pýtınniń alǵashqy jeke suhbaty bolmaq.
«Bizdiń TuckerCarlson.com veb-saıtynda redaksıalanbaı jarıalanǵan tolyq nusqasyn kez kelgen adam kóre alady», - dep jazdy jýrnalıs tvıtter paraqshasynda.
Foto: AP / RIA Novostı
