Buǵan deıin fýtboldan Reseı quramasy 2024 jyldyń maýsym aıynda Qazaqstan quramasymen joldastyq kezdesý ótkizýi múmkin degen aqparat shyqqan.
«Reseı men Qazaqstan quramalarynyń machyn ótkizý máselesi pysyqtalýda, oıyn maýsym aıynda ótýi múmkin», - dep jazǵan Match TV.
Alaıda, QFF vıse-prezıdenti Rohýs Shoh mundaı kezdesý týraly estimegenin aıtty.
«Reseımen oınaıtynymyz týraly, birinshi ret estip turmyn. Qazaqstan quramasynyń oıyndar kestesi aldyn ala jasalyp qoıǵan. Onda Reseımen joldastyq kezdesý múldem joq. Reseı fýtbol odaǵymen de kelissózder júrgizilgen joq. Qazaqstannyń oıyn kestesi óte tyǵyz, artyq oıyn ótkizýge múmkindik joq», - dedi R.Shoh.
Aıta keteıik, Reseı men Belorýs komandalary Álem jáne Eýropa chempıonattarynan shettetilgen.
