Tiri bolsam, qazaqqa qyzmet etpeı qoımaımyn!

Álıhan Bókeıhan

Bektenov az sóılep, kóp is tyndyrǵysy keledi

07 aqpan 2024 46
QR Premer-Mınıstri Oljas Bektenov ulttyq ekonomıka, qarjy, tótenshe jaǵdaılar jáne densaýlyq saqtaý mınıstrlikteriniń jańa basshylaryn tanystyrdy.

Úkimet basshysy jańadan taǵaıyndalǵan Premer-Mınıstrdiń orynbasary – ulttyq ekonomıka mınıstri Nurlan Baıbazarovqa vedomstvo aldynda aýqymdy jáne ambısıalyq mindetter turǵanyn atap ótti.
«Ulttyq ekonomıka mınıstrligin reformalar men ekonomıkalyq serpiliske qol jetkizý boıynsha alǵa qoıylǵan mindetterdi júzege asyrýdaǵy negizgi kúsh dep aıtýǵa bolady. Buǵan qajet barlyq resýrstar bar dep oılaımyn. Eń bastysy, mınıstrlikti formalızmsyz, búrokratıasyz, qajetsiz jıyndarsyz belsendi jumys isteýge baǵyttaǵym keledi. Az sóılep, kóp is tyndyrý kerek», — dedi Oljas Bektenov.

Mádı Takıevti Qarjy mınıstrliginiń ujymyna tanystyrý barysynda Premer-Mınıstr vedomstvony memlekettik basqarýdaǵy mańyzdy organdardyń biri ekenin atap ótti.
«Sol sebepti Memleket basshysy da, Premer-Mınıstr retinde men de Qarjy mınıstrliginiń barlyq baǵyttar boıynsha naqty, belsendi jumys atqaratynyna senemiz», — dedi Oljas Bektenov.

Shyńǵys Árinovti Tótenshe jaǵdaılar mınıstrliginiń ujymyna tanystyryp, Premer-Mınıstr vedomstvo jumysynyń negizgi baǵyttaryn atap ótti.
«Jaqynda ǵana Almatyda Memleket basshysy jer silkinisinen keıin mınıstrlikke naqty syn aıtty. Tótenshe jaǵdaılar mınıstrliginiń aldynda tótenshe jaǵdaılarǵa jedel áreket etý jáne aldyn alý júıelerin jańǵyrtý boıynsha óte mańyzdy mindetter tur. Prezıdent qoıǵan mindetterdi Shyńǵys Saıranuly abyroımen oryndaıdy dep oılaımyn», — dedi Úkimet basshysy.

Oljas Bektenov Densaýlyq saqtaý mınıstrliginiń ujymyna Aqmaral Álnazarovany tanystyrý kezinde onyń tájirıbesi men joǵary kásibı biliktiligin atap ótti.

Mınıstrliktiń aldynda densaýlyq saqtaý júıesin jańǵyrtý jáne odan ári onyń tıimdiligin arttyrý mindeti tur.
«Bul – memlekettik saıasattyń eń mańyzdy baǵyty. Densaýlyq saqtaý júıesin jańa deńgeıge kóterý úshin bárimiz birigip jumys isteýimiz kerek. Biz buǵan jan-jaqty kómektesemiz», — dep túıindedi Oljas Bektenov.

Premer-Mınıstr Úkimettiń jańa quramyna enbegen barlyq burynǵy mınıstrlerge atqarǵan jumystary úshin alǵysyn bildirdi.

Foto: primeminister.kz
Bul maqala týraly ne oılaısyz?