Tiri bolsam, qazaqqa qyzmet etpeı qoımaımyn!

Álıhan Bókeıhan

«Nátıje kerek»: Toqaev úkimet pen ákimderdiń jumysyn synǵa aldy

07 aqpan 2024 48
Memleket basshysy Qasym-Jomart Toqaev úkimettiń keńeıtilgen otyrysynda úkimet pen ákimder jumys isteý tásilin túbegeıli ózgertýge tıis ekenin aıtty.
«Aldaǵy mindetterdi oryndaý úshin úkimetke de, ákimdikterge de tıisti quzyret berilgen. Alaıda bul múmkindikter kóp jaǵdaıda durys qoldanylmaı jatady. Sonyń kesirinen reformalardy júzege asyrý qarqyny báseńdep ketti. Mundaıdy doǵarý kerek. Memlekettik organdar arasynda ózara kelisý men talqylaý jumysy aıaqtalǵansha kez kelgen bastamanyń negizgi mán-mańyzy da ózgerip ketedi. Búrokratıany toqtatý qajet, bizge naqty nátıje kerek. Úkimet pen ákimder jumys isteý tásilin túbegeıli ózgertýge tıis. Jumys barysynda júıeli ustanym bolýy qajet. Máseleni jedel sheshýmen qatar ekonomıkanyń uzaqmerzimdi damýyn qamtamasyz etý óte mańyzdy», – dedi prezıdent.

Ol qazirgi jaǵdaıda ekonomıkamyzdyń meılinshe erkin damýyna mán berý qajet ekenin aıtty.
«Elimizdi damýdyń jańa belesine shyǵaramyz desek, bul jumysty jedel jáne dáıekti túrde júrgizgen jón. Men byltyrǵy joldaýymda jańa ekonomıkalyq saıasattyń negizgi baǵyttaryn aıqyndap berdim. Sondyqtan búgin men qazirgi ekonomıkalyq ahýalǵa qatysty ózekti máselelerge toqtalamyn», – dedi Toqaev jańa Úkimettiń keńeıtilgen otyrysynda.

Foto: Aqorda
Bul maqala týraly ne oılaısyz?