Qazirgi jaǵdaıda saılaý ótkizý – bul bizdiń elimizdiń azamattary tarapynan kúmánsiz qoldaý tabatyn tolyqtaı oryndy suranys. Sondyqtan prezıdenttik mandattyń jeti jyl ári bir-aq ret saılanýy jurtshylyq úshin tańsyq bolar. Biraq qazaqstandyqtar túbegeıli ózgerister kezeńinde ómir súrýde. Sol sebepti bizdiń árqaısymyz úshin shette qalmaý jáne óziniń azamattyq ustanymyn kórsetý óte mańyzdy.
Ekinshiden, bul rette Qazaqstanda básekeles saıası orta qalyptastyrýǵa múmkindik jasalady. Iaǵnı, bılikti monopolızasıalaý qaýpin azaıa túsedi. Osy merzim saılaý aldyndaǵy baǵdarlamany, iri jobalardy júzege asyrýǵa, halyqqa bergen ýádeni oryndaýǵa jetkilikti dep oılaımyn. Sondyqtan bul norma – Qazaqstandaǵy saıası reformalar baǵdarlamasynyń bir bóligi. Sonyń arqasynda Qazaqstan óz ishinde myqty ári turaqty bola otyryp, jańa álemde óziniń laıyqty ornyn alyp, egemendigin saqtap, mádenı ıgiligin eseleı túsetinine kúmán joq.
Ǵalym Ahmedárov,
Qazaqstannyń eńbek sińirgen qaıratkeri,
«Astana Opera» MOBT dırektory
