Tiri bolsam, qazaqqa qyzmet etpeı qoımaımyn!

Álıhan Bókeıhan

Forbes usynǵan mıllıarderlerdiń qatarynda qansha qazaqstandyq bar?

05 sáýir 2024 241

Amerıkandyq Forbes jýrnaly mıllıarderlerdiń jańartylǵan tizimin usyndy. 

Ne boldy

Forbes nusqasy boıynsha mıllıarderlerdiń jańartylǵan tiziminde alty qazaqstandyq bar ekeni belgili boldy.

Egjeı-tegjeı

Mıllıarderler reıtıńiniń basynda LVMH basshysy Bernard Arno tur, onyń baılyǵy 233 mıllıard dollarǵa baǵalandy. Ekinshi oryn 195 mıllıard dollar baılyǵymen Ilon Maskqa berilgen. Úshinshi oryndy Amazon basshysy Djeff Bezos ıelendi - baılyǵy 194 mıllıard dollarǵa baǵalandy.

Qazaqstandyqtar – Forbes-te

Forbes tiziminde turǵan Qazaqstan azamattarynyń qatarynda Tımýr men Dınara Qulybaevtar, Vácheslav Kım, Tımýr Týrlov, Vladımır Kım jáne Bolat Ótemuratov bar.

Qulybaevtar

Forbes málimetteri boıynsha Qulybaevtardyń jıyntyq baılyǵy 10 mlrd dollardy quraıdy – olar reıtıńtiń 612-pozısıasynda ornalasqan. 2023 jylǵy reıtıńpen salystyrǵanda Qulybaevtar otbasy baılyqtaryn 1,5 mlrd dollarǵa arttyrǵan.

Vácheslav Kım

Kaspi Bank Dırektorlar keńesiniń tóraǵasy reıtıńtiń 511-qataryna ornalasty. Onyń baılyǵy 5,8 mıllıard dollarǵa baǵalandy. Ol sondaı-aq 2023 jylǵy kórsetkishtermen salystyrǵanda óz kapıtalyn arttyrǵan.

Tımýr Týrlov

Freedom Holding basshysy Tımýr Týrlov reıtıńtiń 991-ornyna ornalasty - onyń pozısıasy 2023 jylmen salystyrǵanda nasharlaǵan. Bul rette ol bir jyl ishinde óziniń baılyǵyn 200 myń dollarǵa arttyrypty. Forbes Týrlovtyń baılyǵyn 3,3 mıllıard dollarǵa baǵalady.

Vladımır Kım

«Qazaqmys» metalýrgıalyq kompanıasynyń ıesi Vladımır Kım reıtıńke sáıkes jetistikterimen maqtana almaıdy. Onyń aktıvteri bir jyl ishinde 700 mıllıon dollarǵa azaıdy. Bıyl onyń baılyǵy 3,6 mıllıard dollarǵa baǵalandy.

«Qazaqmystan» basqa Kımniń KAZ Minerals aksıonerlik kompanıasynda úlesi bar.

Bolat Ótemuratov

2,7 mlrd dollar – 66 jastaǵy Bolat Ótemuratovtyń baılyǵy. Ol reıtıńtiń 1238-pozısıasynda ornalasty jáne onyń jaǵdaıy bir jyl ishinde ózgergen joq.

Mıllıarderler kóbeıdi

Forbes málimetteri boıynsha, ótken jylmen salystyrǵanda álemde mıllıarderler sany 141 adamǵa kóp. Olardyń jıyntyq baılyǵy 14,2 trıllıon dollardy quraıdy. Mıllıarderlerdiń kópshiligi AQSH-ta turady.

Bul maqala týraly ne oılaısyz?