Tiri bolsam, qazaqqa qyzmet etpeı qoımaımyn!

Álıhan Bókeıhan

Bıshimbaev marqum áıelin otbasyly adammen kezdesti, pornografıalyq vıdeodaǵy qyz oǵan uqsaıdy dedi

01 sáýir 2024 565

Qýandyq Bıshimbaevtyń isi boıynsha ótip jatqan sot otyrysynda basty aıyptalýshy retinde iske qatysty óz nusqasyn aıtty.

Bıshimbaevtyń sózinshe, Saltanat Qazaqstanda tanymal otbasyly adammen kezdeskenin moıyndaǵan.

"Sol kúni keshke ol maǵan moıyndady. Men odan nege bulaı júıkesi syr berip júrgenin suradym. Odan túsindirip berýin suradym. Toıdan keıin 3-4 kún ótken edi. Ol meniń kabınetimde bir adamnyń sýreti turǵanyn aıtty. Sýrette men onymen birge (Núkenova aıtyp otyrǵan adammen birge - esk.) túskenmin. Ol bir kezderi sol kisiniń ashynasy bolǵanyn aıtty. Men onymen tanyspyn. Árıne, bul aqparat meni eseńgiretip tastady.

Odan 20 jastaı úlken, 4 balasy bar, Qazaqstanda kádimgideı tanymal adam. Tek esimin aıtaıyn, onyń esimi - Raıymbek.

Men renjidim, ol adamdy bilemin. Jumys boıynsha bir kezderi kezdeskenbiz. Ortaq tanysymyz da kóp. Bizde bir-birimizge bárin ashyq aıtatyn ýaqyt bolǵan kezde olaı istemegenine renjidim. Odan nege aıtpaǵanyn suradym. Ol "bul bizdiń qarym-qatynasymyzǵa áser etedi" dep qoryqqanyn jetkizdi", - dedi Bıshimbaev.

Sonymen qatar, buryn da sotty bolǵan eks-mınıstr ózge de adamdardyń esimderin atady. Onyń sózinshe, Saltanat otbasyly adamdarmen kezdesken.

27 naýryzda eks-mınıstr Qýandyq Bıshimbaevtyń isi boıynsha alqabıler tańdalǵan edi. Alqabıler alqasyna 12 adam irikteldi: 10 – negizgi quram, 2 – qosalqy. Sodan keıin ashyq sot otyrystary bastaldy.

Buǵan deıin Bıshimbaev Saltanat Núkenovaǵa pornografıalyq vıdeolardy kórsetip, vıdeodaǵy sen emes pe dep surap, qysym kórsetkeni aıtylǵan bolatyn.

«Maǵan telegram-arnaǵa silteme kelip, «Myna vıdeony ashsańyz áıelińizge uqsaıtyn adamdy kóresiz» dep jazylyp turdy. Bul túnde bolǵan jaǵdaı. Men tańǵalyp, aqtaryp, erotıkalyq vıdeony kórdim. Vıdeodaǵy qyz qatty uqsaıdy. Túri kórinbeıdi, biraq qatty uqsaıdy. Men Saltanatqa vıdeony kórsetip «Keshirshi, nege maǵan mynany jiberip jatyr?» dep suradym», - deıdi Qýandyq Bıshimbaev.

Bıshimbaev Saltanattan vıdeodaǵy kim ekenin túsindirýdi suraǵan. Onyń sózinshe, bul oqıǵa olar úılengennen keıin 10 kúnnen soń bolypty.

«Otbasylyq ómirimiz osylaı bastaldy. Ol vıdeodaǵy ol emes ekenin aıtqanyna sengenim túsinikti», - deıdi Bıshimbaev.

Bul maqala týraly ne oılaısyz?