Prezıdent Qasym-Jomart Toqaev 16 naýryzda Qazaqstan halqyna joldaýyn jarıalaıdy. Bul týraly Memleket basshysynyń baspasóz hatshysy Berik Ýálı málimdedi.
Berik Ýálıdiń aıtýynsha, Qasym-Jomart Toqaevtyń joldaýyn respýblıkalyq telearnalardan tikeleı efırde kórýge bolady.
– Memleket basshysy Qasym-Jomart Toqaev 16 naýryzda QR Parlamenti palatalarynyń birlesken otyrysyna qatysyp, Qazaqstan halqyna Joldaý jasaıdy dep josparlanyp otyr. Prezıdenttiń bul Joldaýynda jýyq arada júzege asyrylatyn saıası reformalardyń jańa baǵdarlamasy men áleýmettik-ekonomıkalyq baǵytta atqarylatyn is-sharalar týraly aıtylmaq. Memleket basshysynyń Joldaýy saǵat 11:00-de respýblıkalyq telearnalardan tikeleı efırde kórsetiledi. Sondaı-aq «BORT N1» telegram-kanaly jıynnan jedel habar taratady.
