Búgin, 15 naýryzda sot sanksıasymen Qaırat Satybaldy eki aıǵa qamalǵan. Bul aqparatty Nur-Sultan qalalyq aýdan aralyq arnaýly tergeý soty taratty.
Jemqorlyqqa qarsy is-qımyl agenttigi 13 naýryzda "Qazaqtelekom" AQ qomaqty qarjysyn jymqyrdy jáne qyzmettik ókiletin asyra paıdalandy degen kúdikpen Qaırat Satybaldyny ustap, ýaqytsha qamaý ızolátoryna qamaǵan.
Agenttik "Qaırat Satybaldyulynyń memleket qaýipsizdigine nuqsan keltiretin ózge de qylmystarǵa qatysy tekserilip jatyr. Tergeý jalǵasyp jatyr" dep habarlaǵan.
Eks-prezıdent Nursultan Nazarbaevtyń nemere inisi 51 jastaǵy Qaırat Satybaldyuly "Kaspi.kz" AQ negizgi aksıonerleriniń biri bolǵan (30%), Alatau Capital Invest arqyly "Qazaqtelekomda" úlesi bar.
Ár jyldary memlekettik qyzmette istegen. 2000 jyldary Astana qalasy (qazirgi – Nur-Sultan) ákiminiń orynbasary, "KazakhOil" kompanıasynyń vıse-prezıdenti, "Qazaqstan temir joly" kompanıasynyń birinshi vıse-prezıdenti bolǵan. 2010-2015 jyldary aǵasynyń — prezıdenttikten ketse de, bılikke yqpalyn saqtaýǵa tyrysqan burynǵy prezıdent Nursultan Nazarbaevtyń "Nur Otan" partıasynda hatshy boldy.
