Ol memlekettik rámizder týraly tolǵanysynda: "Sodan memlekettik rámizderimizdiń avtorlaryn, olardyń sıpattaryn, jalpy túr-túsin anyqtaý júrip jatyr. Qatysýshylar Tý men Ánuranda múdirmeı jaýap berýde. Men de qalysar emespin. Eltańbaǵa kelgende jartysynan kóbi súrinip jatty. Men be? Shynymdy aıtaıyn, omaqasa qulamasam da, ár detaline toqtap, túsinik bere almadym. Múmkin, baıraqty sátte chempıondarymyz ózge memleketterde Ánurandy oınatyp, Kók Týymyzdy bógde eldiń kóginde jelbiretip júrgeninen Eltańbamyz solardyń kóleńkelerinde qap qoıatyndyǵynan shyǵar. Asa eleı bermeımiz, rasy" dep jazady.
"Jańa adamdar" júrgizgen saýalnamaǵa oı qosqan avtor "Elimizde kez-kelgen memlekettik mekemeniń kire berisindegi ne mekeme ekenin bilý úshin taqtaıshasyna qaraımyz da, mańdaıshasyna mán bermeıtinimiz anyq. Jylyna bir keler "Rámizder kúninde" ǵana aty atalyp qalar Eltańbamyzdyń nendeı detaldardan turatynyn, sonyń árbiriniń búge-shigesine deıin toqtalyp kete alasyz ba?
Elimizde urpaqty otansúıgishtikke tárbıeleý ıdeologıasy qalaı, qaı deńgeıde júrip jatqanyn bilmeımin, Konstıtýsıamen qorǵalatyn Eltańbamyzǵa kelgende — Kók Týymyz ben Ánuranymyzdaı dáriptelip, meılinshe aty jıi atalýyn qadaǵalaý qajet sıaqty. Ondaǵy kúmbezdi shańyraqtyń, qanatty tulpar —pyraqtardyń, kúnniń neni bildiretinin, avtorlar Ýálıhanov pen Málibekovterterdeı saırap turý qajet.
Al, álgi áleýmettik saýalnamaǵa qatysýshylarǵa aıtatynym, Eltańbamyzdy negizgi atrıbýty shańyraqtan, júdá bolmasa týtústes fonynan birden aıyra alýǵa bolady eken ózgelerden" dep aıaqtaıdy tolǵanysyn.
