Qazaqstannyń burynǵy premer mınıstri Baqytjan Saǵyntaev Eýrazıalyq ekonomıkalyq komısıa alqasynyń tóraǵasy qyzmetine kiristi.
«Baqytjan Ábdiruly Saǵyntaevtyń memlekettik jáne halyqaralyq qyzmette tájirıbesi mol. 2022 jyldyń 1 maýsymynan bastap Eýrazıalyq ekonomıkalyq komısıanyń ekonomıka jáne qarjy saıasaty jónindegi alqa múshesi (Mınıstr) bolyp jumys istedi. Al buǵan deıin ol Qazaqstanda birqatar joǵary memlekettik qyzmet atqarǵan, onyń ishinde 2016-2019 jyldar aralyǵynda Qazaqstan Respýblıkasynyń Premer-Mınıstri bolǵan. «Qurmet» (2008), «Parasat» (2013), joǵary dárejeli «Barys» (2021) ordenderimen marapattalǵan», - delingen EEK habarlamasynda.
EEK málimdeýinshe, 1 aqpannan bastap Eýrazıalyq ekonomıkalyq odaq memleketteriniń basshylary bekitken jańa quram jumysqa kiristi.
«Búginnen bastap EEK alqasynyń tóraǵasy – Qazaqstan Respýblıkasynyń ókili Baqytjan Saǵyntaev», - delingen habarlamada.
