Jemqorlyqqa qarsy is-qımyl agenttigi 13 naýryzda "Qazaqtelekom" AQ qomaqty qarjysyn jymqyrdy jáne qyzmettik ókiletin asyra paıdalandy degen kúdikpen Qaırat Satybaldy(uly)nyń ustalyp, ýaqytsha qamaý ızolátoryna qamaýǵa alynǵanyn habarlady.
"Qaırat Satybaldyulynyń memleket qaýipsizdigine nuqsan keltiretin ózge de qylmystarǵa qatysy tekserilip jatyr. Tergeý jalǵasyp jatyr" de jazylǵan agenttik habarlamasynda.
Eks-prezıdent Nursultan Nazarbaevtyń nemere inisi 51 jastaǵy Qaırat Satybaldyuly "Kaspi.kz" AQ negizgi aksıonerleriniń biri (30%), Alatau Capital Invest arqyly "Qazaqtelekomda" úlesi bar.
Ár jyldary memlekettik qyzmette istegen. 2000 jyldary Astana qalasy (qazirgi – Nur-Sultan) ákiminiń orynbasary, "KazakhOil" kompanıasynyń vıse-prezıdenti, "Qazaqstan temir joly" kompanıasynyń birinshi vıse-prezıdenti bolǵan. 2010-2015 jyldary aǵasynyń — prezıdenttikten ketse de, bılikke yqpalyn saqtaýǵa tyrysqan burynǵy prezıdent Nursultan Nazarbaevtyń "Nur Otan" partıasynda hatshy boldy.
Forbes jýrnaly 2018 jyly ony Qazaqstandaǵy eń yqpaldy 50 kásipkerdiń qataryna jatqyzǵan. Jýrnal sol jyly onyń baılyǵyn 163 mln dollarǵa baǵalaǵan.
Buǵan deıin onyń esimi ofshor qujattary áshkerelengen kezde atalǵan.
