Tiri bolsam, qazaqqa qyzmet etpeı qoımaımyn!

Álıhan Bókeıhan

Reseı hımıalyq qarý qoldanatyn operasıa josparlaýy múmkin

13 naýryz 2022 127
[ad_1]



Reseı Ýkraına aýmaǵynda hımıalyq qarý qoldanatyn operasıa josparlaýy múmkin. Nemistiń Welt am Sonntag basylymyna bergen suhbatynda NATO bas hatshysy Iens Stoltenberg osylaı dep málimdedi.


Stoltenbergtiń aıtýynsha, Kreml óz shabýylyn aqtaý úshin Ýkraınadaǵy "bıologıalyq qarý shyǵaratyn zerthanalarǵa" kóptiń nazaryn aýdartyp otyr.


"Endi osyndaı jalǵan málimdemeler jasalǵannan keıin biz óte saq bolýǵa tıispiz, sebebi osy jalǵan tujyrymdy paıdalana otyryp, Reseıdiń ózi hımıalyq qarý qoldanatyn operasıasyn josparlap jatqan bolýy múmkin" dedi NATO bas hatshysy.


Eger Reseı hımıalyq shabýyl jasasa, onda bul áskerı qylmys bolady dedi ol.


Osyǵan deıin Reseı syrtqy ister mınıstrligi Ýkraına Reseı shekarasyna jaqyn jerde arnaıy bıozerthanalarda bıologıalyq qarýdyń komponentterin daıyndady dep málimdegen.


Ýkraına qarýly kúshteriniń málimetinshe, Reseı armıasy soǵysta 12 myńnan astam soldatynan aıyrylǵan. Áskerı sarapshylar 2-4 myń aralyǵynda Reseı soldaty qaza boldy dep sanaıdy. Al Reseı qorǵanys mınıstrligi odan da az kórsetkishti aıtady.


Bir kún buryn Ýkraına prezıdenti Vladımır Zelenskıı shetel jýrnalıserine 24 aqpannan beri shamamen 1300 ýkraın jaýyngeri qaza boldy dep málimdegen.






[ad_2]

Derekkóz
Bul maqala týraly ne oılaısyz?