2024 jylǵy 10 sáýirde Almaty qalasynda Din isteri jónindegi basqarmasynyń tapsyrysy boıynsha «JASTAR» damytý ortalyǵy» jastar qoǵamdyq birlestiginiń uıymdastyrýymen «Birneshe nomınasıalar boıynsha din salasynyń ózekti máseleleri týraly úzdik materıaldardy (maqalalar, áleýmettik rolıkter jáne t.b.) daıyndaý baıqaýy» boıynsha baspasóz konferensıasy ótti.
Konferensıa barysynda Almaty qalasy Din isteri jónindegi basqarmasynyń ókili Baqdáýlet Halılýllauly baıqaýdy uıymdastyrýdaǵy maqsat-mindetteri, baıqaý sharttary men erejesin tanystyrdy. Baıqaýdy uıymdastyrýdaǵy maqsat – jurt nazaryn din salasyndaǵy memlekettik saıasattyń ózekti máselelerine aýdarý. Buqaralyq aqparat quraldary men áleýmettik jeliler arqyly halyqty din salasyndaǵy memlekettik saıasattyń mańyzdy baǵyttary men ekstremıstik jáne radıkaldy dinı aǵymdar ıdeologıasynyń zıandylyǵynan habardar etý. Jýrnalıser men BAQ-ty, sondaı-aq din salasyndaǵy ózekti máseleler boıynsha materıaldar jarıalaıtyn basqa da tulǵalardy qoldaý.
Erejege sáıkes baıqaý 10 nomınasıa boıynsha ótkiziledi. Jalpy júlde qory – 3 050 000 teńge.
Baıqaýdy uıymdastyrýdaǵy maqsat – jurt nazaryn din salasyndaǵy memlekettik saıasattyń ózekti máselelerine aýdarý. Buqaralyq aqparat quraldary men áleýmettik jeliler arqyly halyqty din salasyndaǵy memlekettik saıasattyń mańyzdy baǵyttary men ekstremıstik jáne radıkaldy dinı aǵymdar ıdeologıasynyń zıandylyǵynan habardar etý. Jýrnalıser men BAQ-ty, sondaı-aq din salasyndaǵy ózekti máseleler boıynsha materıaldar jarıalaıtyn basqa da tulǵalardy qoldaý.
Baıqaý kelesi nomınasıalar boıynsha ótkiziledi:
- Internet-resýrstaǵy qazaq tilindegi úzdik maqala;
- Internet-resýrstaǵy orys tilindegi úzdik maqala;
- «Instagram» áleýmettik jelisindegi úzdik beınerolık;
- «Tıktok» áleýmettik jelisindegi úzdik beınerolık;
- úzdik áleýmettik beınerolık;
- Digital Art sheńberindegi úzdik fotojoba;
- Úzdik óleń;
- Úzdik úndeý jáne uran;
- Úzdik pikir;
- Áleýmettik jelilerdegi úzdik taqyryptyq post.
Baıqaýǵa 16 jastan joǵary Almaty qalasynyń barlyq turǵyndary qatysa alady.
Baıqaýǵa qatysý úshin qatysýshylar óz jumystaryn jáne ózderi týraly aqparatty [email protected] elektrondy mekenjaıǵa osy jyldyń 1 qazanyna deıin joldaı alady. Baıqaý týraly tolyq aqparat pen ár nomınasıa boıynsha talaptardy Almaty qalasy Din isteri jónindegi basqarmasynyń resmı saıty men @din_almaty resmı akkaýntynda jarıalanǵan erejeden kóre alady.
