Tiri bolsam, qazaqqa qyzmet etpeı qoımaımyn!

Álıhan Bókeıhan

Toqaev aımaǵyn sý basyp jatqan Atyraý oblysy ákimimen telefon arqyly tildesti

06 sáýir 2024 274
Memleket basshysy Qasym-Jomart Toqaev Atyraý oblysynyń ákimi Serik Shápkenovpen telefon arqyly sóılesti, dep habarlaıdy Alash.KZ ulttyq portaly. 

Aqorda habarlamasynda prezıdenttiń oblystaǵy sý tasqyny jaǵdaıyn baqylaýda ustap otyrǵany aıtylǵan. Sý basý qaýpin seıiltý úshin barlyq shara qabyldanyp jatqany jáne atalmysh jumystardyń odan ári kúsheıtiletini habarlanǵan

Oblys ákimi Serik Shápkenovpen  sóılesý barysynda Prezıdent eshqandaı otbasy, birde bir turǵyn memlekettiń nazarynan tys qalmaıtynyn málimdedi jáne olarǵa óziniń jyly lebizin bildirip, árdaıym qoldaıtynyn jetkizýdi tapsyrdy.

Eske sala keteıik, 4 sáýirde Jem ózenindegi sý deńgeıiniń kóterilýine baılanysty "Embi-Aqkıiztoǵaı" gıdroposty sý astynda qaldy. Gıdropostty sý alý kezinde sý deńgeıi 350 sm - eń joǵary shekke jete bastaǵan, ıaǵnı 340 sm qurady, al saǵat 09:30-dan bastap Qulsary qalasyn da sý ala bastaǵan. Buǵan qatysty: 

"5 sáýir saǵat 17:00-degi jaǵdaı boıynsha sý tasqyny saldarynan 500-ge jýyq nysan men ınfraqurylymdyq ǵımarattar sý astynda qaldy. Sondaı-aq, áleýmettik nysandar, ortalyq stadıon, Qulsary ákimdigi jáne saýda núktelerin sý basty", – dep habarlady Atyraý oblysynyń ákimdigi.
Úkimet qarǵyn sýdan zardap shekken azamattarǵa kómek kórsetilip, materıaldyq shyǵyndar óteletinin aıtyp otyr. 
Bul maqala týraly ne oılaısyz?