Tiri bolsam, qazaqqa qyzmet etpeı qoımaımyn!

Álıhan Bókeıhan

«Dıkıı Arman» tergeý ızolátorynan joǵalyp ketken

02 aqpan 2022 147
Qańtar oqıǵasy kezinde Almatyda alańǵa shyqqan «Dıkıı Arman» laqap atymen tanymal Arman Jumageldıevti quqyq qorǵaý organdary qamaýǵa alǵan edi. Al, búgin áleýmettik jeli men BAQ-ta onyń tergeý ızolátorynda joq ekeni týraly aqparat tarady.

Dálirek aıtsaq, búgin Jumageldıevtiń advokaty Talǵat Esimov óziniń áleýmettik jelidegi paraqshasyna Ulttyq Qaýipsizdik komıtetiniń Almaty qalalyq departamentiniń ýaqytsha ustaý ızolátorynyń janynda turǵan vıdeosyn júktedi.

«Bizge beıresmı derekkózder boıynsha belgili bolǵandaı, qorǵaýymyzdaǵy Arman Jumageldıevti osy jerge ákelgen. Biraq, qazir ol eshqaıda joq. Departamenttiń kezekshisi ızolátordyń telefonyn bere almady», - deıdi Talǵat Esimov.

Osy sózderden keıin ol ary qaraı departament ǵımaratyna kirgisi kelgenmen, esiki jabyq ekenin kórsetedi. Advokattyń aıtýynsha, quzyrly organdar Jumageldıevtiń qaıda ekenine qatysty ázirge jaýar bermegen.
Bul maqala týraly ne oılaısyz?