Tiri bolsam, qazaqqa qyzmet etpeı qoımaımyn!

Álıhan Bókeıhan

Darıǵa Nazarbaeva Nur-Sultanda

02 aqpan 2022 95
QR Parlamenti Májilisiniń depýtaty Darıǵa Nazarbaeva áli de jalaqysyz eńbek demalysynda, dep habarlaıdy Alash.Press basylymy Zakon.kz saıtyna silteme jasap.

Bul týraly depýtattyń kómekshisi Janna Ermekova aıtty.

Onyń aıtýynsha, koronavırýspen aýyryp shyqqan Darıǵa Nazarbaeva Nur-Sultanda densaýlyǵyn qalpyna keltirip jatyr.

Seısenbi kúni QazTAG agenttigi derekkózge súıene otyryp, Nazarbaevanyń qazir Dýbaıda ekenin jazǵan.

2021 jylǵy parlament saılaýynan keıin ákesi basqaratyn «Nur Otan» partıasynyń tizimi boıynsha májiliske ótken Darıǵa Nazarbaeva aqparatqa qaraǵanda, 1 aqpan kúngi májilis otyrysyna qatyspaǵan. Seısenbi kúni májiliste depýtattyq ókileti toqtatylǵan Nurlan Nyǵmatýlınniń ornyna jańa spıker saılandy. Birneshe depýtat Azattyqqa Darıǵa Nazarbaevanyń otyrysqa kelmegenin jáne onyń qaıda ekenin bilmeıtinin aıtty.

Darıǵa Nazarbaeva qańtar oqıǵasynan beri jurt aldyna shyqpady. 12 qańtarda kómekshisi onyń koronavırýsqa shaldyqqanyn, Almatydaǵy úıinde ekenin aıtqan. Nazarbaevamen baılanysy bar delingen Zakon.kz saıty 17 qańtarda kómekshisine súıene otyryp, eks-prezıdenttiń qyzy aqysyz demalysta ekenin jazdy.

Ótken aptada Nazarbaeva «Nur Otan» partıasynyń saıası keńes quramyna enbegen edi.

Qańtar oqıǵasynan keıin bastalǵan kadrlyq aýys-túıister 1 aqpanda da jalǵasty. Májilis spıkeri bolyp Erlan Qoshanov saılandy. Buǵan deıin ol prezıdent ákimshiligin basqarǵan.
Bul maqala týraly ne oılaısyz?