BÚROǴA EKİNSHİ ADAM QOIÝ
(IV-inshi Dýmanyń musylman fraksıasyndaǵy Qazaq ókilettigi týrasynda)
Musylman fraksıasy qasyndaǵy Búroǵa qazaqtan kisi qoıýǵa jurt qaýly qylǵanda Bókeı-Hanov barýyn unatyp, ekinshi adamnyń barýyn qarjy qansha tabylýyna qaratyp edi. Qazirde eki kisiniń jyldyq qarajatyna jeterlik aqsha tabylsa da, jurt ekinshi kisisin atamaı tur edi. Sóıtip turǵanda Búro adamdarynan habar keldi: olar Bókeı-Hanovtan basqa Búroda dáıim qyzmet etetin ekinshi adamnyń qazir de óte kerektigin bildiredi.
Sebebi, 25-inshi ıýn jarlyǵy taqyrypty Búroda qazaq isi kóbeıýi hám tez arada Gosýdarstvennı Dýma ashylýy. Osy ekinshi kisige Búro adamdary ystýdent ıýrıst Mustafa Shoqaevty laıyqtaıdy.
Mustafa Shoqaev - musylman komıteti ashylǵannan beri sonda qyzmet etýshi edi. Búro adamdary Mustafanyń osy qyzmetke kámil jaraıtyndyǵyn bilip laıyqtap otyr.
Osylar jaratyp, jumysqa shaqyryp otyrǵan adamyn biz de jaraıdy dep bilemiz hám Búroǵa qoıylatyn ekinshi adam Mustafa Shoqaev bolýyn unatamyz.
Osy kezde Búroǵa baryp jatqan qazaq isteri kóp, Gosýdarstvennı Dýma bolsa, noıabirden bastap ashylaıyn dep tur. Sondyqtan Mustafa Shoqaev 1-inshi noıabirden bastap Búrodaǵy qazaq jumysyna kirisýin ótinemiz.
Ǵalı han.
«Qazaq» gazeti, №203, 1916 jyl. 31 óktábir. Máskeý.
Derekkóz: Bókeıhan Álıhan Nurmuhameduly (1866-1937).
Shyǵarmalarynyń 9 tomdyq tolyq jınaǵy.6 tom.– Astana, 2013.
Alash.kz ulttyq portaly
