Tiri bolsam, qazaqqa qyzmet etpeı qoımaımyn!

Álıhan Bókeıhan

"Ákimniń orynbasaryn, úlken laýazymdy tulǵalardy da jaýapkershilikke tarttyq" - Ashat Aımaǵambetov

22 sáýir 2024 342

"Qasqa jol" ıýtýb arnasyna suhbat bergen burynǵy bilim mınıstri, qazirgi Májilis depýtaty Ashat Aımaǵambetov ózi mınıstr bolyp turǵan kezde bilim salasynda qandaı bylyqtar bolǵanyn,sonymen birge pedagogterge qandaı qysym jasalǵanyn ashyq aıtypty.

Aımaǵambetovtyń aıtýynsha, ustazdardyń quqyǵyn qorǵaý úshin talaı laýazymdy tulǵalardy jaýapkershilikke tartýǵa týra kelipti.

"Mamandyq boıynsha konkýrsy eń kóp úshtik bolsa, sonyń ishinde pedagog mamandyǵy bar. Endi mektepke keletin muǵalimderdiń sapasy óte joǵary bolady. Birinshiden, muǵalimderdiń jalaqysyn kóterdik. Eki jarym, úsh esege kóterildi. Janymyzdaǵy memleketterdiń birimen de salystyrýǵa kelmeıdi. Ony ashyq aıtýymyz kerek.

Ekinshiden, kezinde olar (muǵalimder - red) úılerdiń esikterin qaǵyp ketti. Barlyq jumysty solarǵa asyp qoıdy. Qazir muǵalimder úı aralaý degendi umytty. Senbilik bolsyn - barlyq nársege muǵalimderdi jegip qoıatyn. Jınalys bolsa, muǵalimder barady. Kezdesý bolsa, muǵalimder barady. Sabaq qaıda sonda?! Jylyna 1000 adamnan ákimshilik jaýapkershilikke tartýǵa týra keldi", - dedi ol.

Aımaǵambetov bul qatarda beldi, laýazymdy shendiler bolǵanyn da jetkizdi deıdi dalanevs.

"Kezinde men mınıstr bolǵanda tipti bir oblystyń ákiminiń orynbasaryn ákimshilik jaýapkershilikke tarttyq. Sonda oblys ákimi maǵan habarlasyp, "biz áriptes emespiz be, meniń orynbasarymdy qalaı jaýapkershilikke tartyp jatsyń?" dedi. Biz "zańnyń aty - zań, barlyǵyna birdeı" dedik.

Júzdegen dırektordy jaýapkershilikke tarttyq. Qanshama ákimniń orynbasaryn, úlken laýazymdy tulǵalardy da jaýapkershilikke tarttyq. Muǵalimder balalardy oqytý kerek, basqa bolmaýy kerek. Osylaısha biraz máseleni ózgerttik dep aıta alamyn", - deıdi suhbatynda. 

Bul maqala týraly ne oılaısyz?